നദിയിലെ ഒഴുക്കിൽപ്പെട്ട കുട്ടിയാന വീഡിയോ വൈറലായി,അതാണ് ‘അമ്മ.

സ്വന്തം മക്കള്‍ക്ക് എന്തെങ്കിലും അപകടം സംഭവിച്ചാല്‍ ഒരു അമ്മയും നോക്കി നിൽക്കില്ല. ഒരമ്മക്കും അത് സഹിക്കാനാവില്ല. മക്കളെ കണ്ണിലെ കൃഷ്ണ മണിയെ പോലെയാണ് പെറ്റമ്മമാർ കാണാറുള്ളത്. ഇക്കാര്യത്തിൽ മനുഷ്യനെന്നോ മൃഗമെന്നോ ഒരു വ്യത്യാസവും ഇല്ല. മനുഷ്യരായാലും മൃഗങ്ങളായാലും അങ്ങനെ തന്നെയാണ്. മക്കള്‍ക്ക് വേണ്ടി ജീവന്‍ കൊടുക്കാന്‍ പോലും തയ്യാറാവുന്ന ബന്ധമാണത്. ഇത്തരമൊരു അമ്മയുടെ വീഡിയോ സോഷ്യല്‍ മീഡിയയില്‍ വൈറലായിരിക്കുകയാണ്.

മൃഗങ്ങളുടെ ഇടയില്‍ മികച്ച അമ്മ എന്ന പദവി എപ്പോഴും ആനകള്‍ക്കാണ്. ഒരു ആന അതിസാഹിസകമായി തന്റെ കുഞ്ഞിനെ അപകടത്തില്‍ നിന്ന് രക്ഷിക്കുന്നതാണ് ആ വീഡിയോ. ഐഎഫ്എസ് ഉദ്യോഗസ്ഥന്‍ പര്‍വീണ്‍ കസ്‌വാനാണ് ട്വിറ്ററിലൂടെ വീഡിയോ പങ്കുവെച്ചിരിക്കുന്നത്. ട്വിറ്ററിലൂടെയാണ് വീഡിയോ പുറത്ത് വന്നത്.

നദി മുറിച്ച് കടക്കുന്നതിനിടെ കുട്ടിയാന അപകടത്തിൽ പെടുകയാണ്. അപകടം എന്ന് പറഞ്ഞാൽ നദിയിലെ ഒഴുക്കിൽപെടുകയാണ്. കുത്തി ഒഴുകുന്ന നദി ആനകൂട്ടം മുറിച്ച് കടക്കാന്‍ ശ്രമിക്കുന്നതിനിടെയാണ് സംഭവം. വടക്കന്‍ ബംഗാളിലെ നാഗ്രാകട്ട എന്ന സ്ഥലത്ത് നിന്നാണ് ഈ വീഡിയോ എടുത്തിരിക്കുന്നത്. നദിയിലെ അതിശക്തമായ ഒഴുക്കില്‍ മറ്റ് ആനകളെല്ലാം നീന്തി മറുകര എത്തി. കുട്ടിയാന മാത്രം ഒഴുക്കിൽപെടുകയായിരുന്നു.

കുട്ടിയാന നദിയിലെ ഒഴുക്കിനെ തരണം തേച്ചത് നടക്കാന്‍ ശ്രമിക്കുന്നുണ്ടെങ്കിലും ആനക്കുട്ടിക്ക് അതിന് കഴിയുന്നില്ല. ഒടുവിലാണ് ആനക്കുട്ടി ഒഴുക്കില്‍പ്പെട്ട് പോയത്. ഉടന്‍ തന്നെ അമ്മ ആന അതിന്റെ അടുത്തേക്ക് പാഞ്ഞ് അടുക്കുന്നതാന് വിഡിയോയിൽ കാണുന്നത്. തുമ്പിക്കൈ കൊണ്ട് കുട്ടിയാനയെ പിടിച്ച് കരയിലേക്ക് കൊണ്ടുവരുന്ന കാഴ്ച ഏറെ ഹൃദ്യമായിരിക്കുന്നത്. കരയിലേക്ക് ഇവര്‍ക്കായി കാത്തിരിക്കുന്ന ആനക്കൂട്ടത്തിന്റെ അടുത്തേക്ക് മടങ്ങിയെത്തുന്ന ഇരുവരും. നേരത്തെ മുതലയുടെ കൈയില്‍ നിന്ന് കുട്ടിയാനയെ രക്ഷിക്കുന്ന അമ്മ ആനയുടെ വീഡിയോയും സോഷ്യല്‍ മീഡിയയില്‍ വൈറലായിരുന്നു. കാല്‍ കൊണ്ട് ചവിട്ടിയാണ് അമ്മ ആന കുഞ്ഞിനെ രക്ഷിക്കുന്നത്.