പെൺകുട്ടികളുടെ മേൽ ഒരു കണ്ണ് വേണം, സ്ത്രീയ്ക്ക് അവരുടേതായ സൗന്ദര്യവും ബുദ്ധിമുട്ടുകളും ഉണ്ട്- ദീപാ രാഹുൽ ഈശ്വർ

കോഴിക്കോട്, ആലപ്പുഴ മെഡിക്കൽ കോളെജുകളിൽ രാത്രി പത്ത് മണിക്ക് ലേഡീസ് ഹോസ്റ്റൽ അടക്കുന്നതിൽ പ്രതിഷേധിച്ച് വിദ്യാർത്ഥികൾ സമരം ചെയ്യുന്ന പശ്ചാത്തലത്തിൽ പ്രതികരണവുമായി രാഹുൽ ഈശ്വറിന്റെ ഭാര്യ ദീപ രാഹുൽ ഈശ്വർ.

സ്ത്രീ സംരക്ഷിക്കപ്പെടേണ്ടവരാണ്. here should be control in ladies hostels. 24 മണിക്കൂറും അടച്ചിടണം എന്നല്ല പറയുന്നത്. പക്ഷെ പെൺകുട്ടികളുടെ മേൽ ഒരു കണ്ണ് വേണം, സ്ത്രീയ്ക്ക് അവരുടേതായ സൗന്ദര്യവും ബുദ്ധിമുട്ടുകളും ഉണ്ട്. പുരുഷന് അവരുടേതായ സൗന്ദര്യവും ബുദ്ധിമുട്ടുകളുമുണ്ട്. പ്രകൃതി സൃഷ്ടിച്ച രീതിയിൽ തന്നെ അതിനെ കാണണം. ജെന്റർ ഇക്വാലിറ്റി ഒരു മാസ്‌ക് ആണ്. സ്ത്രീ ചെയ്യുന്നതെല്ലാം പുരുഷൻ ചെയ്യണമെന്നും പുരുഷൻ ചെയ്യുന്നതെല്ലാം സ്ത്രീ ചെയ്യണമെന്നും പറയുന്നത് ജെന്റർ ഇക്വാലിറ്റിയെന്ന് പറയുന്നത് പൈശാചികമാണ്. സ്ത്രീക്ക് ചെയ്യാൻ പറ്റാത്തത് പുരുഷൻ ചെയ്യുക, പുരുഷൻ ചെയ്യാത്തത് സ്ത്രീ ചെയ്യുക.’

കർഫ്യൂ സമയം നീട്ടണം എന്നാവശ്യപ്പെട്ടാണ് വിദ്യാർത്ഥിനികൾ ഹോസ്റ്റലിന് മുന്നിൽ കുത്തിയിരിപ്പ് സമരം നടത്തുന്നത്. ആൺകുട്ടികളുടെ ഹോസ്റ്റലിൽ യാതൊരു നിയന്ത്രണങ്ങളുമില്ലെന്നിരിക്കെയാണ് പെൺകുട്ടികളുടെ ഹോസ്റ്റലിൽ നിയന്ത്രണം. കോഴിക്കോട്, ആലപ്പുഴ മെഡിക്കൽ കോളേജിലാണ് നിലവിൽ പ്രതിഷേധം സംഘടിപ്പിച്ചത്. അതിനിടെ കോഴിക്കോട് മെഡിക്കൽ കോളെജ് വനിതാ ഹോസ്റ്റലിലെ സമയ നിയന്ത്രണം ഗൗരവമായ പ്രശ്‌നമാണെന്ന് വനിതാ കമ്മീഷൻ പ്രതികരിച്ചു.