തിരുവനന്തപുരത്ത് പോലീസിനും നാട്ടുകാര്‍ക്കും നേരെ തോക്ക് ചൂണ്ടി മോഷ്ടാക്കള്‍ രക്ഷപ്പെട്ടു

തിരുവനന്തപുരം. നഗരത്തില്‍ മോഷ്ടാക്കള്‍ മോഷണം തടയുവാന്‍ ശ്രമിച്ചവര്‍ക്ക് നേരെയും പോലീസിന് നേരെയും തോക്ക് ചൂണ്ടി. ഇടപ്പഴഞ്ഞിയിലെ അടഞ്ഞ് കിടന്നിരുന്ന കുത്തിത്തുറന്ന് മോഷണം നടത്തുവനായിരുന്നു മോഷ്ടാക്കളുടെ പദ്ധതി.

എന്നാല്‍ മോഷണം നടക്കുന്നത് ശ്രദ്ധയില്‍പ്പെട്ട നാട്ടുകാരെ തോക്ക് ചൂണ്ടി ഭീഷണിപ്പെടുത്തി മോഷ്ടാക്കള്‍ സ്‌കൂട്ടറില്‍ രക്ഷപ്പെടുകയായിരുന്നു. ഇടപ്പഴഞ്ഞിയിലെ ഒരു സ്‌പെയര്‍ പാര്‍ട്‌സ് കടയിലെത്തിയ മോഷ്ടാക്കളെ പിടിക്കുവാന്‍ എത്തിയ പോലീസിനു നേര്‍ക്കും ഇവര്‍ തോക്ക് ചൂണ്ടി.

മോഷ്ടാക്കളുടെ സിസിടിവി ദൃശ്യങ്ങള്‍ പോലീസിന് ലഭിച്ചു. അന്വേഷണം നടത്തി വരുകയാണ്. ഇരുവരുടെയും കൈയില്‍ ഉണ്ടായിരുന്നത് യഥാര്‍ഥ തോക്കാണോ എന്നകാര്യത്തില്‍ സംശയമുള്ളതായി പോലീസ് പറയുന്നു.