തിരുവനന്തപുരത്ത് ഒരാഴ്ചയ്ക്കിടെ മൂന്നാമത്തെ ടിപ്പര്‍ അപകടം, യുവാവിന് ഗുരുതര പരിക്ക്

തിരുവനന്തപുരം. ടിപ്പര്‍ ലോറിയിടിച്ച് തിരുവനന്തപുരം കാട്ടാക്കടയില്‍ യുവാവിന് ഗുരുതര പരിക്ക്. തോട്ടുമുക്ക് സ്വദേശിയായ യുവാവിനാണ് പരിക്കേറ്റത്. കാട്ടാക്കട പൂവച്ചല്‍ റോഡില്‍ ശനിയാഴ്ച ഉച്ചയ്ക്ക് 2.40ഓടെയാണ് അപകടം ഉണ്ടായത്.

ഒരാഴ്ചയ്ക്കിടെ ഇത് മൂന്നാമത്തെ ടിപ്പര്‍ അപകടമാണ് ജില്ലയില്‍ സംഭവിക്കുന്നത്. കാട്ടാക്കട ഭാഗത്ത് നിന്നും പൂവച്ചല്‍ ഭാഗത്തേക്ക് പോകുകയായിരുന്നും ഇരുവാഹനങ്ങളും. അമിതവേഗത്തിലെത്തിയ ടിപ്പര്‍ അശ്രദ്ധമായി വലത് വശത്തേക്ക് തിരിച്ചപ്പോഴാണ് അപകടം സംഭവിച്ചത്.

ഇരുചക്രവാഹനത്തില്‍ ഇടിച്ച ശേഷം ടിപ്പര്‍ യുവാവിനെ 20 മീറ്ററോളം ദൂരം വലിച്ചുകൊണ്ടുപോയി. ഗുരുതരമായി പരിക്കേറ്റ യുവാവിനെ തിരുവനന്തപുരം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.