വീട്ടില്‍ കിടന്ന കാറിന് തിരുവനന്തപുരത്ത് നിയമം ലംഘിച്ചതായി കാണിച്ച് പിഴ

കോട്ടയം. വിന്‍ഡോ ഗ്ലാസില്‍ സണ്‍ ഫിലിം ഒട്ടിച്ചെന്ന് ആരോപിച്ച് ഉടമയ്ക്ക് മോട്ടോര്‍വാഹന വകുപ്പിന്റെ തേറ്റായ നോട്ടീസ്. തിരുവനന്തപുരത്ത് കൃഷ്ണനഗര്‍ സ്‌നേഹപുരിയില്‍വെച്ച് നിയമലംഘനം കണ്ടെത്തിയെന്നാണ് നോട്ടീസ്. എന്നാല്‍ ഈ സമയം കാര്‍ പാറത്തോട് മുക്കാലിയിലെ വീട്ടിലായിരുന്നുവെന്ന് സഹില്‍ പറയുന്നു. വ്യാഴാഴ്ച വൈകിട്ടാണ് തന്റെ കാര്‍ നിയമം ലംഘിച്ചുവെന്ന് കാട്ടി സഹിലിന്റെ ഫോണില്‍ സന്ദേശം എത്തുന്നത്.

എന്നാല്‍ അതില്‍ കാണുന്ന കാര്‍ ചുവന്ന നിറത്തിലുള്ള ഹോണ്ടാ കാറാണ്. എന്നാല്‍ പിഴ കിട്ടിയത് വെള്ള നിറത്തിലുള്ള ഹുണ്ടായ് ഇയോണ്‍ കാറിനും തുടര്‍ന്ന് മോട്ടോര്‍ വാഹന വകുപ്പിന്റെ പരാതി പരിഹാര സെല്ലില്‍ വിവരം അറിയിച്ചിരിക്കുകയാണ് സഹില്‍.