സീതയിലെ സ്വാസികയെ ഇഷ്ടപ്പെട്ടവർ ചതുരത്തിലെ സ്വാസികയെ കണ്ട് അൺഫോളോ ചെയ്തു

മിനി സ്‌ക്രീനിലൂടെ വെള്ളിത്തിരയിലെത്തി കുറഞ്ഞ കാലയളവിനുള്ളിൽ മികച്ച കഥാപാത്രങ്ങളിലൂടെ മലയാളികളുടെ മനം കവരുകയും ചെയ്ത നടിയാണ് സ്വാസിക. നാടൻ പെൺകുട്ടിയെന്ന വിശേഷണമാണ് സ്വാസികയ്ക്ക് തുടക്കത്തിൽ കിട്ടിയിരുന്നതെങ്കിലും ചതുരത്തിലെ ഗ്ലാമർ വേഷങ്ങളിലൂടെ ഇതിൽ മാറ്റം വരുകയായിരുന്നു. ഇപ്പോഴിതാ ചതുരത്തിന് ശേഷം വന്ന മാറ്റങ്ങളെ കുറിച്ച് സ്വാസിക തന്നെ പറഞ്ഞിരിക്കുകയാണ്.

ചതുരത്തിലെ ഗ്ലാമർ വേഷവും തന്റെ മാറ്റവും സിനിമാ മേഖലയിൽ നിന്നുള്ളവർ പോലും പ്രതീക്ഷിച്ചില്ലെന്ന് സ്വാസിക പറഞ്ഞിരിക്കുന്നു. ഒരുപാട് പേർ വിളിച്ച് അഭിനന്ദിച്ചു. എന്നാൽ, ചതുരം കണ്ട് നിരവധി പേർ ഇൻസ്റ്റഗ്രാമിൽ അൺഫോളോ ചെയ്തിട്ടുണ്ടെന്നു സ്വാസിക പറഞ്ഞു. സീത സീരിയിൽ കണ്ട് ഫാൻസായ ചേച്ചിമാരായിരിക്കാം അൺഫോളോ ചെയ്തത്. ക്ലബ് എഫ്എമ്മിന് നൽകിയ അഭിമുഖത്തിലാണ് സ്വാസിക ഇക്കാര്യം വെളിപ്പെടുത്തിയിരിക്കുന്നത്.

സീത കണ്ടിട്ട് ചതുരം കണ്ടപ്പോൾ അവർക്ക് ഇഷ്ടക്കേട് തോന്നിക്കാണും, അങ്ങനെ കുറേ പേർ അൺഫോളോ ചെയ്ത് പോയത് ശ്രദ്ധിച്ചു. അവർ തിരിച്ച് വന്നോയെന്നൊന്നും എനിക്ക് അറിയില്ല. അങ്ങനെയൊരു മാറ്റം ഇൻസ്റ്റയിൽ സംഭവിക്കുകയുണ്ടായി. എന്നാൽ വേറെ ക്രൗഡ് ഫോളോ ചെയ്യുന്നുണ്ട്. യങ്‌സ്‌റ്റേഴ്‌സായ കുട്ടികളാണെന്ന് കരുതുന്നു. സ്വാസിക ചേച്ചിയുടെ ഇങ്ങനത്തെ റോൾ വരുമ്പോൾ ഞങ്ങൾ വെയ്റ്റ് ചെയ്യുകയാണെന്നൊക്കെ പറഞ്ഞെന്നും സ്വാസിക പറഞ്ഞിട്ടുണ്ട്. ഏതായാലും സീതയിലെ സ്വാസികയെ ഇഷ്ടപ്പെട്ടിരുന്ന നിരവധിപേർ ചതുരത്തിലെ സ്വാസികയെ കണ്ടു അൺഫോളോ ചെയ്തു.