കാവാലത്ത് ബോട്ടില്‍ നിന്നും മൂന്ന് പേര്‍ കായലില്‍ വീണു, രണ്ട് പേരെ രക്ഷപ്പെടുത്തി

കോട്ടയം. കാവലത്ത് യുവാവിനെ കായലില്‍ കാണാതായി. കൂട്ടുകാരുമൊത്ത് കായല്‍ കാണാന്‍ എത്തിയ യുവാവിനെയാണ് വെള്ളത്തില്‍ വീണ് കാണാതായത്. ചങ്ങനശ്ശേരി തുരുത്തി സ്വദേശിയായ സനീഷിനെയാണ് കാണാതായത്. സനീഷ് ബുധനാഴ്ച വിദേശത്തേക്ക് പോകാന്‍ ഇരിക്കെയാണ് അപകടം സംഭവിച്ചത്.

കൂട്ടുകാരുമൊത്ത് മോട്ടോര്‍ ബോട്ടില്‍ കായലില്‍ എത്തിയതിയാരുന്നു സനീഷ്. ഇവര്‍ മൂന്ന് പേരും വെള്ളത്തിലേക്ക് വീഴുകയായിരുന്നു. അപകടത്തില്‍ നിന്നും രണ്ട് പേരെ രക്ഷപ്പെടുത്തി. സനീഷിനെ കണ്ടെത്തുവാനായി അഗ്നിരക്ഷാസേനയുടെയും നാട്ടുകാരുടെയും നേതൃത്വത്തില്‍ തിരച്ചില്‍ നടക്കുകയാണ്.