സുബിയുടെ ആരോ​ഗ്യസ്ഥിതിയറിയുന്നത് 12ാംമത്തെ ദിവസം, രക്ഷിക്കാൻ പരമാവധി ശ്രമിച്ചു- ടിനി ടോം

സുബിയുടെ മരണം പലർക്കും ഇതുവരേയും വിശ്വസിക്കാൻ പോലും സാധിച്ചിട്ടില്ല. സുബിയുടെ പഴയ പല വീഡിയോകളും ഇപ്പോൾ സോഷ്യൽ മീഡിയയിൽ ട്രെൻഡിം​ഗാണ്. ഇപ്പോഴിത സുബിക്കൊപ്പമുള്ള അവസാന നിമിഷങ്ങളെ കുറിച്ച് വീണ്ടും ഓർത്തെടുക്കുകയാണ് ടിനി ടോം. ‘പരമാവധി ശ്രമിച്ചു സുബിയെ ജീവിതത്തിലേക്ക് തിരിച്ചുകൊണ്ടുവരാൻ. ഒരു പന്ത്രണ്ടാമത്തെ ദിവസമൊക്കെയാണ് ഞാൻ സുബിയുടെ അവസ്ഥ അറിയുന്നത്. പക്ഷെ ആയുസ് എത്തിയാൽ പോകണം എന്നാണല്ലോ. ഞാൻ ആശുപത്രിയിൽ ചെന്ന് സുബിയെ കണ്ടു.’

‘സുരേ​ഷ് ​ഗോപി ചേട്ടനെ വിളിച്ചു അദ്ദേ​ഹവും മറ്റ് എംഎൽഎയും എം.പിമാരുമെല്ലാം ഞങ്ങളുടെ കൂടെ നിന്നത് കൊണ്ട് മൂന്ന് ദിവസം കൊണ്ട് ഞങ്ങൾ പ്രൊസീജിയർ തീർത്തു. അപ്പോഴേക്കും പക്ഷെ ഓർ​ഗൻസ് ഡൗണായി പോയിരുന്നു. രണ്ടായിരത്തിലാണ് സുബിയെ ഞാൻ ഈ മേഖലയിലേക്ക് കൊണ്ട് വന്നത് അന്ന് സുബിക്ക് പതിനെട്ട് വയസ് മാത്രമെയുള്ളു.’

‘ഇരുപത്തമൂന്ന് വർഷമായി ഇപ്പോൾ. എല്ലാ സന്തോഷങ്ങളും സുബി എന്നോട് പങ്കുവെക്കുമായിരുന്നു. വിഷമം പങ്കുവെക്കാറില്ലായിരുന്നു. വരാപ്പുഴയിലുള്ള എന്ന പ്ര​ദേശത്ത് നിന്നാണ് ശ്മാശനത്തിലേക്ക് പോകുന്നത്. ആ സമയത്ത് ഞാൻ‌ കുറച്ച് വർഷം പിന്നിലേക്ക് പോയി.’
ആദ്യം ഷൂട്ടിങിന് വരാപ്പുഴയിൽ അവളെ ഞാൻ എന്റെ കാറിലാണ് കൊണ്ടുപോയത്. പിന്നെ അവളുടെ ഡെഡ് ബോഡി കൊണ്ടുപോയത് വിഷമമായി. ആദ്യത്തെ അവളുടെ എൻട്രിയുടെ സമയത്തും അവളുടെ അവസാന യാത്രയിലും ഞാൻ ഒപ്പമുണ്ടായിരുന്നു’

അസുഖം മൂലം ആശുത്രിയിൽ പ്രവേശിക്കും മുമ്പ് സുബി ചെയ്ത് വെച്ച് പോയ ചില വീഡിയോകൾ ഇപ്പോൾ സുബിയുടെ അസാന്നിധ്യത്തിൽ കുടുംബവും സുഹൃത്തുക്കളും സുബിക്കായി പങ്കുവെക്കുന്നുണ്ട്. ചേച്ചിയുടെ ഏറെ നാളത്തെ ആഗ്രഹമായിരുന്നു യുട്യൂബ് ചാനലും ഫേസ്ബുക്കുമെല്ലാം. ചേച്ചി അവസാന നാളുകളിലും പറഞ്ഞത് അതിൽ നേരത്തെ എടുത്തുവെച്ച വിഡിയോകൾ അപ്‍ലോഡ് ചെയ്യണമെന്നായിരുന്നു. ചേച്ചിയുടെ അവസാന ആഗ്രഹമാണിതെന്നും. തുടർന്നും വിഡിയോകളുമായി മുന്നോട്ട് പോകുമെന്നുമാണ് അടുത്തിടെ സുബിയുടെ സഹോദരൻ പറഞ്ഞത്.