ദൈവമേ വിശ്വസിക്കാൻ ആകുന്നില്ല ടിനി ടോം സങ്കടത്തോടെ

ദൈവമേ എനിക്ക് വിശ്വസിക്കാൻ ആകുന്നില്ല. ഇന്നലെ വരെ ഒന്നിച്ച് ഉണ്ടായിരുന്നു. കൊല്ലം സുധിയുടെ മരണത്തിൽ സങ്കടത്തോടെ നടൻ ടിനി ടോം. കലാ കേരളത്തിനു സുധിയുടെ മരണം വലിയ ഞട്ടലാണ്‌ ഉണ്ടാക്കിയത്.ദാരിദ്ര്യത്തിലൂടെ കടന്ന് വന്ന് ദാരിദ്ര്യത്തിൽ ജീവിച്ച ഒരു സാധാരണ കലാകാരൻ. കൊല്ലം സുധിയുടെ പേരും പ്രശസ്തിയും പോലെ അദ്ദേഹത്തിനു വരുമാനവും പണവും ഒന്നും ഇല്ലായിരുന്നു.

ചാനലുകളിൽ പരിപാടികൾക്ക് എത്തി ആളേ ചിരിപ്പിക്കുമ്പോൾ ലഭിക്കുന്നത് നിസാരമായ പ്രതിഫലം ആണ്‌. മുൻ നിര നടന്മാർക്ക് ദിവസം 50000 രൂപ വരെ വാരി എറിയുന്ന ചാനലുകൾ ഇത്തരം കലാകാരന്മാർക്ക് തുച്ചമായ പ്രതിഫലം നല്കി വിടാറാണ്‌ പതിവ്. ജീവിതത്തിന്റെ 2 അറ്റവും കൂട്ടി മുട്ടിക്കാൻ ഉൽസവ പറമ്പിലും ആഘോഷ സ്ഥലത്തും ഒക്കെ പരിപാടി നടത്തി ജീവിക്കുന്നവരാണ്‌ ഇവർ. അത്തരത്തിൽ ഒരു പരിപാടിക്ക് വടകര പോയി വരുമ്പോഴായിരുന്നു മരണം സുധിയേ കവർന്നതും

ഇപ്പോഴിതാ, സുധിയുടെ വേർപാടിൽ വേദന കുറിച്ച്, ഒന്നിച്ചുള്ള ചിത്രം പങ്കുവച്ചിരിക്കുകയാണ് നടൻ ടിനി ടോം.

‘ദൈവമേ വിശ്വസിക്കാൻ ആകുന്നില്ല. ഇന്നലെ ഒരുമിച്ചായിരുന്നു വേദിയിൽ. രണ്ട്‌ വണ്ടികളിൽ ആയിരിന്നു ഞങ്ങൾ തിരിച്ചത്. പിരിയുന്നതിനു മുൻപ് സുധി ഒരു ആഗ്രഹം പറഞ്ഞു, ഒരുമിച്ചു ഒരു ഫോട്ടോ എടുക്കണം. എന്നിട്ട് ഈ ഫോട്ടോ എനിക്ക് അയച്ചും തന്നു…ഇങ്ങനെ ഇടാൻ വേണ്ടിയാണോ ഈ ചിത്രം എനിക്ക് അയച്ചത് …മോനെ ഇനി നീ ഇല്ലേ …… ആദരാഞ്ജലികൾ മുത്തേ’.– ടിനി ഫെയ്സ്ബുക്കിൽ കുറിച്ചു.