സർക്കാരിൽ പൂർണ വിശ്വാസമുണ്ടായിരുന്നു, പുറംലോകം കാണുമെന്ന ആത്മവിശ്വാസം രക്ഷാപ്രവർത്തകർ പകർന്നു, സിൽക്യാര അപകടത്തിൽ നിന്ന് രക്ഷപ്പെട്ട തൊഴിലാളികൾ

ഉത്തരകാശി: സർക്കാർ ഞങ്ങളെ പുറത്തെത്തിക്കുമെന്ന് ഞങ്ങൾക്ക് പൂർണ്ണ വിശ്വാസമുണ്ടായിരുന്നു. അധികം വൈകാതെ തന്നെ പുറംലോകം കാണുമെന്ന ആത്മവിശ്വാസം രക്ഷാപ്രവർത്തകർ പകർന്നു തന്നു തുരങ്കത്തിനുള്ളിൽ നിന്ന് രക്ഷപ്പെടുമെന്ന് തങ്ങൾക്ക് ഉറപ്പുണ്ടായിരുന്നതായി സിൽക്യാര അപകടത്തിൽ നിന്ന് രക്ഷപ്പെട്ട തൊഴിലാളികൾ. നീണ്ട പ്രയത്‌നത്തിനൊടുവിലാണ് സിൽക്യാര തുരങ്കത്തിനുള്ളിൽ അകപ്പെട്ട 41 തൊഴിലാളികളെ രക്ഷാദൗത്യത്തിലൂടെ ദൗത്യ സംഘം പുറത്തെത്തിച്ചത്.

തുടക്കത്തിലെ ഭയം പിന്നീടുണ്ടായിരുന്നില്ല. അവശിഷ്ടങ്ങൾ വീണതോടെ സമയം ചെലവഴിക്കാൻ തുരങ്കത്തിലൂടെ കറങ്ങി നടന്നു. വെള്ളവും, ഭക്ഷണവും കിട്ടിയതോടയുെ, വീട്ടുകാരോട് സംസാരിക്കാൻ കഴിഞ്ഞതോടെയും പോയ മനോവീര്യം തിരികെ കിട്ടി.സർക്കാർ ഞങ്ങളെ പുറത്തെത്തിക്കുമെന്ന് ഞങ്ങൾക്ക് പൂർണ്ണ വിശ്വാസമുണ്ടായിരുന്നു. തൊഴിലാളികളിൽ ഒരാളായ വിശ്വജീത് കുമാർ വർമ പറഞ്ഞു.‘ഞാൻ വളരെ സന്തോഷവാനും സുരക്ഷിതനുമാണ്. കുടുങ്ങിക്കിടക്കുന്ന മറ്റെല്ലാ തൊഴിലാളികളും സുരക്ഷിതരാണ്. ഇപ്പോൾ ഞങ്ങൾ ആശുപത്രിയിലാണ്.

തുരങ്കത്തിനുള്ളിൽ 41 തൊഴിലാളികളെ രക്ഷാദൗത്യത്തിലൂടെ പുറത്തെത്തിച്ചതിന് ദൗത്യ സംഘത്തെയും ധൈര്യത്തോടെ 17 ദിവസങ്ങൾ ടണലിനുള്ളിൽ കഴിഞ്ഞ തൊഴിലാളികളെയും പ്രധാനമന്ത്രി നരേന്ദ്രമോദി അഭിനന്ദിച്ചു. ‘തൊഴിലാളികൾക്ക് എല്ലാവർക്കും നല്ല ആരോഗ്യം നേരുന്നു. ഏറെ നാളത്തെ കാത്തിരിപ്പിനൊടുവിൽ അവർ പ്രിയപ്പെട്ടവരെ കണ്ടുമുട്ടുന്നു എന്നത് വലിയ സംതൃപ്തി നൽകുന്ന കാര്യമാണ്. ഈ വെല്ലുവിളി നിറഞ്ഞ സമയത്ത് ഈ കുടുംബങ്ങൾ കാണിച്ച ക്ഷമയും ധൈര്യവും എത്ര അഭിനന്ദിച്ചാലും മതിയാകുന്നതല്ല’ എന്നായിരുന്നു പ്രധാനമന്ത്രി അഭിനന്ദിച്ചത്.