മമ്മുട്ടി ടർബോ പെട്ടു, ഇ.ഡി ഇറങ്ങിയപ്പോൾ കളക്ഷൻ നിലച്ചു

മലയാള സിനിമയിൽ ED പിടിമുറുക്കുകയാണ് . മഞ്ഞുമ്മല്‍ ബോയ്‌സ് സിനിമ നിര്‍മ്മാതാക്കൾക്കെതിരായ സാമ്പത്തിക ക്രമക്കേട് കേസില്‍ എൻഫോഴ്സ്മെൻ്റ് ഡയറക്ട്രേറ്റ് (ഇഡി) നടൻ സൗബിൻ ഷാഹിറിനെ ചോദ്യം ചെയ്‌തിരുന്നു. ഒരു മലയാള സിനിമ പത്തു ദിവസം കൊണ്ട് 100 കോടി രൂപ ഉണ്ടാക്കി എന്നൊക്കെ പറഞ്ഞാൽ അത് വിശ്വസിക്കാനാകില്ല.

കേരളത്തിലെ മൊത്തം തിയറ്ററുകളുടെ കണക്കും സിനിമ അതിൽ എത്രയെണ്ണത്തിൽ ഓടി എത്ര ദിവസം ഓടി എന്നൊക്കെയുള്ള കണക്ക് എടുത്താൽ തന്നെ കൂടിപ്പോയാൽ ഒരു 30 കോടി വരെയൊക്കെ കിട്ടിക്കാണും. അതിനും അപ്പുറം ഓവർസീസ് എന്നൊക്കെ പറഞ്ഞ് എത്തുന്ന പണത്തിന്റെ ഉറവിടം അറിയേണ്ടതുണ്ട്. പണ്ട് ഹിന്ദി സിനിമയിൽ ചൈനയിൽ കോടികൾ ഉണ്ടാക്കി എന്ന രീതിയിൽ ഒക്കെ വാർത്തകൾ ഒരുകാലത്ത് പരന്നിരുന്നു.

സമാനമായ രീതിയിലാണ് മലയാള സിനിമകൾ ഇന്ന് അന്യനാട്ടിൽ നിന്ന് കോടികൾ കൊയ്യുന്നു എന്ന വിവരങ്ങൾ പുറത്തു വരുന്നത്. എന്നാൽ ഇതിന്റെ മറവിൽ കള്ളപ്പണം വെളുപ്പിക്കൽ നടക്കുന്നുണ്ടോ എന്ന് ED ഇപ്പോൾ പരിശോധിക്കുകയാണ്. ഈ കഥയൊക്കെ കേട്ട് ലക്ഷങ്ങൾ ഇറക്കി കോടികൾ നേടാമെന്ന് കരുതി NRIക്കാർ ചാടി വീഴുന്നതിന് മുൻപ് ഇതിനൊക്കെ പിന്നിലെ സത്യാവസ്ഥ കൂടി അറിയാൻ നോക്കണം.

ഇഡി നടൻ സൗബിൻ ഷാഹിറിനെ ചോദ്യം ചെയ്‌തുവെന്നു കേട്ടതിന് പിന്നാലെ ടർബോയുടെ കളക്ഷൻ സ്വിച്ച് ഇട്ടത് പോലെ നിന്നു. അഞ്ചു ദിവസംകൊണ്ട് 50 കൊടിയൊക്കെ കിട്ടിയെന്ന് പറഞ്ഞ് കേക്കൊക്കെ കട്ട് ചെയ്‌ത്‌ ആഘോഷിച്ചവർ ഇപ്പോപ്പോൾ പറയുന്നു 30 കൊടിയേ കിട്ടിയിട്ടുള്ളുവെന്ന്. ഒരു ചെറിയ വാർത്ത വന്നതോടെയാണ് ഇത്തരത്തിൽ കളക്ഷൻ പോലും മാറ്റിപ്പറയുന്നത് എന്നതാണ് ഓർക്കേണ്ടത്.