ലോഡ്ജില്‍ അബോധാവസ്ഥയിലായ പെണ്‍കുട്ടിയുടെ നില അതീവഗുരുതരം

കൊച്ചി/ നഗരത്തിലെ ലോഡ്ജില്‍ അബോധാവസ്ഥയില്‍ കണ്ടെത്തിയ കോഴിക്കോട് സ്വദേശികളായ പെണ്‍കുട്ടികളില്‍ ഒരാളുടെ നില അതീവ ഗുരുതരം. കഴിഞ്ഞ 27നാണ് പെണ്‍കുട്ടികല്‍ കൊച്ചിയിലെത്തിയത്. വിദേശത്തേക്ക് ജോലിക്ക് പോകുന്നതിന് വിസയ്ക്കായിട്ടാണ് ഇരുവരും കൊച്ചിയില്‍ എത്തിയത്. ഇരുവരും പാലാരിവട്ടത്തെ ലോഡ്ജില്‍ മുരിയെടുത്തതിന് ശേഷം ഇവരുടെ പക്കല്‍ ഉണ്ടായിരുന്ന വെളുത്ത പൊടി ഉപയോഗിക്കുകയായിരുന്നുവെന്ന് പോലീസ് പറയുന്നു. ഈ വെളത്ത പൊടി ലഹരിപദാര്‍ത്ഥമാണെന്നും പോലീസ് പറയുന്നത്‌.

കൊച്ചിയില്‍ നിന്നും തിരികെ മടങ്ങുന്നതിനിടെ നോര്‍ത്ത്, സെന്‍ട്രല്‍ സ്‌റ്റേഷന്‍ പരിധികളിലെ ലോഡ്ജുകളില്‍ വണ്ടും ഇവര്‍ മുറിയെടുത്തിരുന്നു തുടര്‍ന്ന് ഇതില്‍ ഒരു പൊണ്‍കുട്ടിക്ക് അവശത അനുഭവപ്പെടുകയായിരുന്നു. ഗുരുതരവസ്ഥയില്‍ കഴിയുന്ന പെണ്‍കുട്ടിയെ കുടെയുള്ള പെണ്‍കുട്ടി തന്നെയാണ് ആശുപത്രിയില്‍ എത്തിച്ചത്. സോഡിയം താഴ്ന്ന് പോയതും തലച്ചോറിലേക്കുള്ള ഓക്‌സിജന്‍ നിലച്ചതുമാണ് പെണ്‍കുട്ടി കോമയിലേക്ക് പോകാന്‍ കാരണമെന്ന് പോലീസ് പറഞ്ഞു.

ഗുരുതരാവസ്ഥയില്‍ കഴിയുന്ന പെണ്‍കുട്ടിയുടെ മാതാപിതാക്കള്‍ വിദേശത്താണ്. പെണ്‍കുട്ടിക്കൊപ്പം ബന്ധുക്കളാണ് ഉള്ളത്. ആരോഗ്യനില കുഴപ്പമില്ലാത്ത പെണ്‍കുട്ടിയെ വീട്ടുകാരെത്തി വീട്ടിലേക്ക് കൊണ്ടുപോയി. പരാതിയുമായി ആരും ഇതുവരെ എത്തിയിട്ടില്ലന്നും പോലീസ് പറഞ്ഞു എന്നാല്‍ അബോധാവസ്ഥയിലായ പെണ്‍കുട്ടിയെ എങ്ങനെ കൂടെയുള്ള പെണ്‍കുട്ടി ഒറ്റയ്ക്ക് ആശുപത്രിയില്‍ എത്തിച്ചു എന്നതില്‍ സംശയം നിലനില്‍ക്കുന്നുണ്ടെന്നും പോലീസ് പറയുന്നു.