മമ്മൂട്ടിയെ നേരിൽ കണ്ട് വോട്ട് തേടി ഉമ തോമസ്

യുഡിഎഫ് എൽഡിഎഫ് സ്ഥാനാർഥികളായ ഉമ തോമസും, ജോ ജോസഫും തൃക്കാക്കര പിടിക്കാനുള്ള തന്ത്രങ്ങൾ മെനയുകയാണ്. അതിന്റെ ഭാ​ഗമായി ഉമ തോമസും ജോ ജോസഫും ഇന്ന് മണ്ഡലത്തിലെ പ്രമുഖരെ കണ്ട് തങ്ങൾക്ക് പിന്തുണ തേടും. മമ്മൂട്ടിയെ കണ്ട് വോട്ട് തേടാനെത്തിയിരിക്കുകയാണ് ഉമ തോമസ്.

മമ്മൂട്ടി തൃക്കാക്കര മണ്ഡലത്തിലെ വോട്ടറാണ്. ഉമ തോമസ് നടൻ മമ്മൂട്ടിയുടെ വീട്ടിൽ എത്തിയാണ് വോട്ട് തേടിയത്. ഹൈബി ഈഡൻ എം പിക്കൊപ്പമാണ് ഉമ തോമസ് എത്തിയത്. രമേശ്‌ പിഷാരടിയും മമ്മൂട്ടിയുടെ വസതിയിലുണ്ടായിരുന്നു. മഹാരാജാസിലെ പഠന കാലം മുതൽ പി.ടി.തോമസുമായി ഏറെ ആത്മബന്ധം സൂക്ഷിച്ചിരുന്ന ഒരാളാണ് മമ്മൂട്ടി