നീ നല്ലൊരു സുഹൃത്താണ്, അഞ്ജുവിന് ആശംസയുമായി ഉണ്ണി മുകുന്ദൻ

യുവനായികമാരിൽ ശ്രദ്ധേയമായ താരമാണ് അഞ്ജു കുര്യൻ. നിവിൻ പോളിയും നസ്രിയയും പ്രധാനവേഷത്തിലെത്തിയ ഓംശാന്തി ഓശാനയിലൂടെയാണ് അഞ്ജു ശ്രദ്ധ പിടിച്ചു പററുന്നത്. ഓം ശാന്തി ഓശാനയിൽ വിനീത് ശ്രീനിവാസിന്റെയും ‘ഞാൻ പ്രകാശനി’ൽ ഫഹദിന്റെയും ‘ജാക്ക് ഡാനിയേലി’ൽ ദിലീപിന്റെയും നായികയായി എത്തിയ അഞ്ജു മോഡലിങ് രംഗത്തും ഏറെ സജീവമാണ്. ഇൻസ്റ്റഗ്രാമിലും ഏറെ ആരാധകരുള്ള അഭിനേത്രികളിൽ ഒരാളാണ് അഞ്ജു കുര്യൻ.

കോട്ടയം സ്വദേശിയായ അഞ്ജു ചെന്നൈയിൽ ആർക്കിടെക്റ്റായി ജോലി ചെയ്യുന്നതിനിടയിലാണ് അഭിനയത്തിലേക്ക് വരുന്നത്. ദിലീപിന്റെ നായികയായി അഭിനയിച്ച ‘ജാക്ക് ഡാനിയേൽ’ ആണ് ഒടുവിൽ തിയേറ്ററുകളിലെത്തിയ അഞ്ജുവിന്റെ ചിത്രം. ഇപ്പോളിതാ നടി അഞ്ജു കുര്യന് ജന്മദിനാശംസകളുമായി യുവ നടൻ ഉണ്ണി മുകുന്ദൻ. തന്റെ സോഷ്യൽ മീഡിയ വഴിയാണ് ഉണ്ണി അഞ്ജുവിന് ജന്മദിനാശംസകൾ നേർന്നിരിക്കുന്നത്.

പ്രിയപ്പെട്ട അഞ്ജു നിനക്ക് എല്ലാ ആശംസകളും നേരുന്നു. നീ നല്ലൊരു സുഹൃത്തും ജീവിതത്തോട് വളരെ ക്രിയാത്മക വീക്ഷണമുള്ള വ്യക്തിയും ആണ്. ജോലിയിൽ തികച്ചും പ്രൊഫഷണൽ! നിങ്ങളെ മേപ്പടിയാൻ എന്ന സിനിമയിൽ ഉൾപ്പെടുത്തിയത് വളരെ സന്തോഷകരമായിരുന്നു മനോഹരമായ ഒരു വർഷം ആശംസിക്കുന്നു! സ്‌നേഹം, ഉണ്ണി – മേപ്പടിയാൻ എന്ന പുതിയ ചിത്രത്തിൽ ഇരുവരും ജോഡികളായിട്ടാണ് അഭിനയിക്കുന്നത്.