ലാലേട്ടന്റെ ബയോപിക്ക് വന്നാൽ അതിൽ മോഹൻലാലായി അഭിനയിക്കില്ല- ഉണ്ണി മുകുന്ദൻ

മലയാളികളുടെ പ്രിയ നടനും നിർമ്മാതാവുമാണ് ഉണ്ണി മുകുന്ദൻ. ഇപ്പോളിതാ മോഹൻലാലിന്റെ സ്ഫടികം കണ്ട ശേഷമാണ് സിനിമാ നടനാകണമെന്ന ആഗ്രഹം വന്നതെന്ന് തുറന്നു പറയുകയാണ് ഉണ്ണി മുകുന്ദൻ. സ്വകാര്യ മാധ്യമത്തിനനുവദിച്ച അഭിമുഖത്തിലാണ് വെളിപ്പെടുത്തൽ.

ഒട്ടും സിനിമ താത്പര്യമില്ലാതിരുന്ന കാലഘട്ടം. ഒരു നായർ കുടുംബം. അച്ഛനും അമ്മയ്ക്കും കുടുംബത്തിനുമൊപ്പം കഴിഞ്ഞ സമയം. പിന്നെ കോളേജ് ലൈഫ്. അതിന് ശേഷം സുഹൃത്തുക്കൾ വഴി സിനിമയിൽ വരുന്നു.റെസ്‌ലിങ് ഉള്ളതുകൊണ്ട് കൊണ്ട് കുറച്ച് മസാല ആഡ് ചെയ്യാം അടിയും ഇടിയുമൊക്കെ. പിന്നെ ഒരു പോയിന്റിൽ അദ്ദേഹം ആക്ടിങ് തുടങ്ങി. സിനിമയിൽ കയറുന്ന സമയത്ത് വലിയ ഗ്ലാമറില്ലെന്നും മുഖക്കുരു ഉണ്ടെന്നും എല്ലാം പറഞ്ഞ് നായകനാകാതെ വില്ലനായി വരുന്നു.

ആ കാലഘട്ടത്തിലെ സൂപ്പർസ്റ്റാറുകളോടൊപ്പം അഭിനയിക്കുന്നു. ഒരു വലിയ കാലഘട്ടം അദ്ദേഹം സിനിമയിൽ നിൽക്കുന്നു. ലാലേട്ടൻ സൂപ്പർസ്റ്റാർ ആകുമ്പോൾ 25 വയസാണെന്നാണ് ഞാൻ കരുതുന്നത്. ഓരോ ജനറേഷനിലും പുള്ളിക്ക് ഫാൻ ബോയ്‌സ് ഉണ്ട്. ഓരോ പത്ത് വർഷവും പുതിയ ഫാൻ ബേസ് ഉണ്ട്. ഇന്നും മലയാള സിനിമയിൽ അദ്ദേഹം ഹിറ്റ് അടിച്ചുകൊണ്ടേ ഇരിക്കുന്നു.എന്റെ ഫേവറെറ്റ് ആക്ടർ ആണ് ജയൻ. പുള്ളിയുടെ ഒപ്പം ലാലേട്ടൻ അഭിനയിച്ച ഒരു ക്ലിപ്പ് കണ്ടിട്ടുണ്ട്. ഇൻസ്പയറിങ് ആയിട്ടുള്ള ലൈഫാണ്. ഗ്രേറ്റ് ആക്ടറാണ് അദ്ദേഹം.

ലാലേട്ടന്റെ ബയോപിക് ഇത്തരത്തിൽ വരികയാണെങ്കിൽ അതിൽ ലാലേട്ടനായി അഭിനയിക്കുമോ എന്ന ചോദ്യത്തിന് ഒരിക്കലുമില്ലെന്നും അങ്ങനെ ഒരു പടം വന്നാൽ ടിക്കറ്റെടുത്ത് കാണുമെന്നുമായിരുന്നു ഉണ്ണി മുകുന്ദന്റെ മറുപടി. മോഹൻലാലിനൊപ്പം 12ത്ത് മാൻ പോലൊരു സിനിമയിൽ അഭിനയിക്കാൻ കഴിഞ്ഞതിൽ ഏറെ സന്തോഷമുണ്ട്. ‘ഞാൻ അങ്ങനെ വലിയ സെലിബ്രേഷനൊന്നും ഇഷ്ടപ്പെടുന്ന ആളല്ല. 12ത്ത് മാന്റെ ഷൂട്ടിനിടയിലാണ് എന്റെ ബർത്ത് ഡേ വന്നത്. അന്ന് ലാലേട്ടന് ഷൂട്ടില്ല. എന്നിട്ടും രാത്രി 12 മണി ആയപ്പോൾ അദ്ദേഹം കേക്കുമായി വന്ന് എന്റെ ജന്മദിനം ആഘോഷിച്ചു. അതൊക്കെ ഒരു ഭാഗ്യമാണ്. എല്ലാവർഷവും ലാലേട്ടന്റെ കൂടെ ബർത്ത് ഡേ സെലിബ്രേറ്റ് ചെയ്യാൻ നമുക്ക് കഴിയില്ലല്ലോ. ആ മൊമന്റ് ക്യാമറയിലാക്കിയ വ്യക്തിയ്ക്കും നന്ദി പറയുന്നു,