10 വർഷത്തെ മാറ്റം പങ്കിട്ട് ഊർമ്മിള ഉണ്ണി, രൂപം മാറിയാലും മനസ് മാറിയില്ലല്ലോയെന്ന് സോഷ്യൽ മീഡിയ

മലയാളം തമിഴ് ചലച്ചിത്രരംഗത്തെ അറിയപ്പെടുന്ന അഭിനേത്രിയാണ് ഊർമിളാ ഉണ്ണി. ജി അരവിന്ദൻ സവിധാനം ചെയ്ത “മാറാട്ടം” എന്ന സിനിമയിൽ അഭിനയിച്ചുകൊണ്ടാണ് മുൻ മിസ് തൃശൂർ ആയിരുന്ന,സ്വാതി തിരുനാൾ ഊർമിള രാജ എന്ന ഊർമിള ഉണ്ണി മലയാളസിനിമാലോകത്തെത്തുന്നത്. 1992ൽ ഹരിഹരൻ-എം ടി കൂട്ടുകെട്ടിൽ പുറത്തിറങ്ങിയ “സർഗം” എന്ന സിനിമയിലെ അമ്മവേഷമാണ് ഊർമിള ഉണ്ണിയെ പ്രശസ്തയാക്കിയത്. തുടർന്ന് ഒട്ടേറെ സിനിമകളിൽ അമ്മ വേഷങ്ങളും മറ്റു സ്വഭാവവേഷങ്ങളും അവതരിപ്പിച്ചു.”നടികർ വാങ്മൂലം” ആണ് ഇവരുടെ തമിഴിലെ ആദ്യ സിനിമ. സിനിമകൾക്ക് പുറമേ,മലയാളം ടെലിവിഷൻ പരമ്പരകളിലും വേഷമിട്ടിട്ടുണ്ട് ഊർമിള ഉണ്ണി.

ഇപ്പോഴിത തന്റെ പത്ത് വർഷം പഴക്കമുള്ള ചിത്രം പങ്കുവെച്ച് എത്തിയിരിക്കുകയാണ് ഊർമിള ഉണ്ണി. പത്ത് വർഷം മുമ്പുള്ള ചിത്രവും ഇപ്പോഴത്തെ തന്റെ ഒരു ചിത്രവും പങ്കുവെച്ചാണ് തന്നിലെ മാറ്റത്തെ കുറിച്ച് ഊർമിള ഉണ്ണി സംസാരിച്ചത്. ‘ഈശ്വരാ പത്തുവർഷം കൊണ്ട് ഇങ്ങനെ മാറിപ്പോകുമോ…’ എന്നാണ് ഊർമിള കുറിച്ചത്.

തന്റെ പേരിലുള്ള ഫാൻസ് പേജിൽ വന്ന ചിത്രമാണ് പത്ത് വർഷം മുമ്പുള്ള ചിത്രമായി ഊർമിള പങ്കുവെച്ചത്. നടിയുടെ പുതിയ പോസ്റ്റ് വൈറലായതോടെ നിരവധി പ്രേക്ഷകർ കമന്റുമായി എത്തി. ‘ഇനി അടുത്ത പത്ത് വർഷം കഴിയുമ്പോൾ എന്ത് എന്ന് തൽക്കാലം ചിന്തിക്കേണ്ട, എങ്ങിനെ ഇത്രയും മാറി?, രൂപം മാറിയാലും മനസ് മാറിയില്ലല്ലോ….. അതാണ്‌ വേണ്ടത്’ എന്നൊക്കെയാണ് കമന്റുകൾ വരുന്നത്.