ഭർത്താവിന്റെ വീട്ടിൽ പോയപ്പോൾ അവർ കഴിക്കുന്ന കിഴങ്ങുകളെല്ലാം പാകം ചെയ്ത് തന്നു, കുറച്ച് കഴിച്ചപ്പോഴേക്കും ​ഗ്യാസ് കയറി- ഉർവശി

മലയാളികളുടെ പ്രിയപ്പെട്ട നടിയാണ് ഉർവശി. എന്നാൽ മലയാളത്തിൽ മാത്രമല്ല തമിഴിലും ഇപിപ്പോൾ തിളങ്ങി നിൽക്കുകയാണ് താരം. ഉർവശിയുടെ സഹോദരിമാരായ കലാരഞ്ജിനിയും കൽപ്പനയും ശ്രദ്ധ നേടിയ താരങ്ങളാണ്. തെന്നിന്ത്യൻ ഭാഷകളിൽ അഞ്ഞൂറിൽ അധികം ചിത്രങ്ങളിൽ ഉർവശി അഭിനയിച്ചിട്ടുണ്ട്. അടുത്തിടെയാണ് ഉർവശി ഇൻസ്റ്റ​ഗ്രാം അക്കൗണ്ട് തുടങ്ങിയത്.

ഭർത്താവ് ശിവപ്രസാദിനും മകൻ ഇഷാൻ പ്രജാപതിക്കും ഒപ്പം ചെന്നെെയിലാണ് ഉർവശി താമസിക്കുന്നത്. തന്റെ കു‌ടുംബ ജീവിതത്തെക്കുറിച്ച് സംസാരിച്ചിരിക്കുകയാണ് ഉർവശി. എന്റെ ഏറ്റവും പ്രിയപ്പെട്ട ലൊക്കേഷൻ വീടാണ്. ഞാൻ പൊതുവെ മടിയുള്ളയാളാണ്. എന്റെ വീ‌ട്, വീട്ടിലെ ജോലികൾ, ഇഷ്ട‌പ്പെട്ട സുഹൃത്തുക്കളോടൊപ്പം ഇരിക്കുന്നത് എന്നിവയാെക്കെയാണ് ഇഷ്ടം. അവരോട് സംസാരിക്കുന്നതും മണ്ണിൽ ചെടികൾ നടുന്നതുമെല്ലാം ഇഷ്ടമാണ്. ഭർത്താവിനും അത് ഇഷ്ടമാണ്. അതാണ് ഞങ്ങളെ ഒരുമിപ്പിച്ചതെന്ന് കരുതുന്നു.

ഭർത്താവിന്റെ വീട്ടിൽ പോയപ്പോൾ അവർ കഴിക്കുന്ന കിഴങ്ങുകളെല്ലാം പാകം ചെയ്ത് തന്നു. കുറച്ച് കഴിച്ചപ്പോഴേക്കും ​ഗ്യാസ് കയറി. പറഞ്ഞാൽ അമ്മായിച്ഛനും അമ്മായിയമ്മയും ചിരിക്കും. ഈ പ്രായത്തിലേ ​ഗ്യാസോ എന്ന് ചോദിച്ചെന്നും ഉർവശി ഓർത്തു. അദ്ദേഹത്തിന്റെ അച്ഛന് 85 വയസായി ഇപ്പോഴും ആരോ​ഗ്യവാനാണെന്നും ഉർവശി വ്യക്തമാക്കി.

ഇന്നത്തെ കുട്ടികൾ ഭക്ഷണം വെറുതെ കളയും. എന്റെ മകൻ സാമ്പാറൊഴിച്ചാൽ പോലും അതിൽ പലതും കളയും. സിം​ഗിൾ ചൈൽഡ് ആയതിനാലാണ് ഇന്നത്തെ കു‌ട്ടികൾ ഇങ്ങനെയായത്. പക്ഷെ മകന്റെ കാര്യത്തിൽ താൻ സ്ട്രിക്റ്റാണെന്നും ഉർവശി വ്യക്തമാക്കി. ജലധാര പമ്പ്സെറ്റ്, റാണി എന്നിവയാണ് ഉർവശിയുടെ അടുത്തിടെ റിലീസ് ചെയ്ത മലയാള സിനിമകൾ.