കോവിഡ് രോഗിയായിരുന്ന സി.പി.എം നേതാവിന്റെ മൃതദേഹം പോസ്റ്റ്മോർട്ടവും സംസ്കാരവും നടത്തിയത് കോവിഡ് നിയമം പാലിക്കാതെ

വൈക്കം:ഭരണ കക്ഷി നേതാക്കൾ മരിച്ചാൽ കോവിഡ് രോഗ ഫലവും ഒന്നും നോക്കില്ല. കാത്ത് നില്ക്കാനും സാധിക്കില്ല.ഡോക്ടർമാരുടെ ജീവൻ പോലും അവഗണിച്ച് പോസ്റ്റ്മോർട്ടം ചെയ്യിക്കും.ഡോക്ടർമാർ മാത്രമല്ല ഇതുമായി ബന്ധപ്പെട്ട അനേകം ആളുകളേ പോലും ഇത് എത്ര ഗുരുതരമായി ബാധിക്കുന്നു. കാരണം രക്തം കൊണ്ട്  ഇടപെടലും ജോലിയും ആണ്‌.അതിനാൽ തന്നെ റിസ്ക് കൂടുതലും.

ഇപ്പോൾ പുറത്ത് വരുന്നത് വൈക്കത്ത് കോവിഡ് മാനദഢങ്ങൾ ഒന്നും പാലിക്കാതെ സി.പി.എം പ്രാദേശിക നേതാവിന്റെ പോസ്റ്റ് മോർട്ടം നടത്തിയ സംഭവമാണ്‌. കോവിഡ് പരിശോധനയിൽ മരിച്ചയാൾക്ക് കോവിഡ് പോസിറ്റീവ് ആയിരുന്നു. വൈക്കം കുലശേഖരമംഗലത്ത് ഹൃദയസ്തംഭനത്തെ തുടർന്ന് മരിച്ച സി ആർ രാജേഷിൻ്റെ മൃതദേഹം കോവിഡ് പ്രോട്ടോകോൾ പാലിക്കാതെ പോസ്റ്റ് മോർട്ടം നടത്തിയതായി ആക്ഷേപം.ഹൃദയാഘാതം മൂലമായിരുന്നു രാജേഷ് മരിച്ചത്. എന്നാൽ ആശുപത്രിയിൽ എത്തുന്നതിനു മുമ്പേ മരിച്ചതിനാൽ പോസ്റ്റ് മോർട്ടം നടത്താൻ തീരുമാനിക്കുകയായിരുന്നു.ഇതിനിടെ കോവിഡ് പരിശോധനക്കായി സാമ്പിളും എടുത്തിരുന്നു. എന്നാൽ പരിശോധനാ ഫലം വരുന്നത് വരെ കാത്തിരിക്കാൻ ഡോക്ടർമാരെ അനുവദിച്ചില്ല. സി.പി.എം ജില്ലാ നേതാക്കൾ ഉൾപ്പെടെ ഇടപെട്ട് പോസ്റ്റ് മോർട്ടം വേഗം നടത്തി മൃതദേഹം വീട്ടിൽ എത്തിക്കുകയയിരുന്നു.

തുടർന്ന് കോവിഡ് ഫലം പോസ്റ്റീവ് എന്ന് ഫലം വരികയായിരുന്നു. വീട്ടിൽ എത്തിച്ച മൃതദേഹത്തിലും സംസ്കാരത്തിലും കോവിഡ് നിയമം പാലിച്ചില്ല.ആയിരത്തോളം ആളുകൾ എങ്കിലും വീട്ടിലും മൃതദേഹ സംസ്കാര സ്ഥലത്തും വന്നു പോയി. മൃതദേഹത്തിൽ കുടുംബാംഗങ്ങൾ കെട്ടിപിടിച്ച് കരഞ്ഞതും അന്ത്യ ചുംബനങ്ങൾ നല്കിയതും വൈകാരികമായി അവരെ കുറ്റം പറയാൻ ആവില്ല എങ്കിലും കോവിഡ് നിയമം പ്രകാരം പാടില്ലായിരുന്നു.രാജേഷിൻ്റെ മൃതദേഹം കോവിഡ് പ്രോട്ടോകോൾ പാലിക്കാതെയാണ്‌ സംസ്കരിച്ചതും

തിരക്കിട്ട് പോസ്റ്റ് മോർട്ടം ചെയ്തതും കോവിഡ് നിയമം പാലിക്കാതെ സംസ്കാരം നടത്തിയതും വൈക്കത്തെ പ്രമുഖ രാഷ്ട്രീയ നേതാവിൻ്റെ സമ്മർദ്ദഫലമായാണന്നു ഒരു വിഭാഗം ജനങ്ങൾ ആക്ഷേപിക്കുന്നു.ഇപ്പോൾ വൈക്കം താലൂക്ക് ആശുപത്രി ജീവനക്കാരെയും പ്രദേശവാസികളെയുമാകെ പരിഭ്രാന്തിയിലാഴ്ത്തിയിരിക്കുകയാണ്.ഡോക്ടർമാർക്കും ആശുപത്രി ജീവനക്കാർക്കും ആബുലൻസ് ഡ്രൈവർക്കും എല്ലാം ക്വാറന്റീനിൽ പോകേണ്ടിവന്നു.കോവിഡ് നിയമം പ്രകാരം ആയിരത്തോളം നാട്ടുകാരും ഇവിടെ ക്വാറന്റീനിൽ പോയാലോ നാട് സുരക്ഷിതം ആകൂ.

കോഴിക്കോട് വിമാന ദുരന്തത്തിൽ മരിച്ച യാത്രകാരുടെ മൃതദേഹം പോലും പോസ്റ്റ് മോർട്ടത്തിനെടുത്തത് കോവിഡ് പരിശോധനാ ഫലം വന്നിട്ടായിരുന്നു. ഡോക്ടർമാരുടേയും,ജനങ്ങളുടേയും ജീവൻ വയ്ച്ച് ഉള്ള ഇത്തരം നീക്കങ്ങൾ ആരു അവസാനിപ്പിക്കും. അരു നടപടി സ്വീകരിക്കും.കേരളത്തിൽ നിന്നും കോവിഡിനെ തുരത്താൻ ശ്രമിക്കുമ്പോൾ മഹാമാരിക്ക് വാതിലുകൾ തുറന്നിടുകയാണ്‌ മറുവശത്ത്.