കോഴിക്കോട് : ഏറെ നാളത്തെ കാത്തിരിപ്പിനൊടുവിൽ വന്ദേഭാരത് ട്രെയിന് കേരളത്തിൽ എത്തി. ഇന്ന് 11.45-ന് പാലക്കാട് സ്റ്റേഷനിൽ വന്ദേഭാരത് എക്സ്പ്രസ് ഗംഭീര സ്വീകരണമാണ് ലഭിച്ചത്. സ്റ്റേഷനിൽ ട്രെയൻ ഒരു മിനിട്ടോളം നിർത്തി. കേരളത്തിന് വിഷു കൈ നീട്ടമായി ലഭിച്ച വന്ദേഭാരത് ട്രെയിനിനെ വരവേൽക്കാൻ സ്റ്റേഷനിൽ വൻ ജനാവലിയാണ് ഉണ്ടായത്. മുൻ കേന്ദ്ര റെയിൽ മന്ത്രി ഓ രാജഗോപാൽ, കേന്ദ്ര വിദേശ കാര്യമന്ത്രി വി മുരളീധരൻ, ബിജെപി ജില്ലാ സംസ്ഥാന കാര്യകർത്താക്കൾ എന്നിവർ സന്നിഹിതരായി.
16 കോച്ചുകളാണ് ട്രെയിനിൽ ഉള്ളത്. തുടക്കത്തില് ഒരു ട്രെയിനാകും സര്വീസ് നടത്തുക. രാവിലെ തിരുവനന്തപുരത്ത് നിന്ന് പുറപ്പെട്ട് ഉച്ചയോടെ കണ്ണൂരെത്തി അരമണിക്കൂറിന് ശേഷം മടങ്ങുന്ന രീതിയിലാണ് സര്വീസ് പരിഗണിക്കുന്നത്. ഏപ്രില് 24-ന് കൊച്ചിയിലെ യുവം സമ്മേളനത്തില് പങ്കെടുക്കാന് കേരളത്തിലെത്തുന്ന പ്രധാനമന്ത്രി ട്രെയിന്റെ ഫ്ളാഗ് ഓഫ് നിര്വഹിക്കും. 24-ന് കൊച്ചിയിലോ 25-ന് തിരുവനന്തപുരത്തോ ആണ് ഫ്ളാഗ് ഓഫ് നടത്തുക.
പരീക്ഷണ ഓട്ടത്തിന് ശേഷം പ്രധാനമന്ത്രിയുടെ സന്ദര്ശന പരിപാടി അന്തിമമാകുന്നതോടെ കൂടി മാത്രമേ ഇതില് വ്യക്തത ഉണ്ടാകു. ഒമ്പത് സ്റ്റോപ്പുകളുള്ള സര്വീസാണ് ആലോചിക്കുന്നത്. കോട്ടയം വഴിയുള്ള സര്വീസില് തിരുവനന്തപുരം, കൊല്ലം, കോട്ടയം, എറണാകുളം, തൃശൂര്, കോഴിക്കോട്, കണ്ണൂര് എന്നിവിടങ്ങളില് സ്റ്റോപ്പുണ്ടാകും. ഇതിന് പുറമെ ഷൊര്ണൂര്, തിരൂര്, ചെങ്ങന്നൂര് ഇവയില് ഏതെങ്കിലും രണ്ട് സ്റ്റേഷനുകൾ കൂടി ഉള്പ്പെടുത്തിയേക്കും.
തിരുവനന്തപുരത്തുനിന്ന് കണ്ണൂർ വരെ ഏകദേശം 1345 രൂപ ചെയർ കാറിനും ,2238 രൂപ എക്സിക്യൂട്ടീവ് കോച്ചിനും ടിക്കറ്റ് ചാർജ് വന്നേക്കും. 320 രൂപ കാറ്ററിംഗ് ചാർജ് ഉൾപ്പെടെയാണിത്. എറണാകുളം വരെ 605,1144 രൂപ, കോഴിക്കോട് വരെ 1130, 2138 രൂപ നിരക്ക് വന്നേക്കും. .മണിക്കൂറിൽ 160 കിലോമീറ്റർ വരെ വേഗത്തിൽ പോകാൻ കഴിയുമെങ്കിലും നിലവിലെ സാഹചര്യത്തിൽ കേരളത്തിലെ പാളങ്ങളിലൂടെ ആ വേഗത്തിൽ ഓടാനാവില്ല. ഇതിനായുള്ള അറ്റകുറ്റപ്പണികൾ നടത്തിവരികയാണ്.
ശ്രീനഗർ: ലഡാക്ക് ദൗലത്ത് ബേഗ് ഓൾഡ് അതിർത്തിക്ക് സമീപം നടന്ന ടാങ്ക് അപകടത്തിൽ അഞ്ച് സൈനികർ കൊല്ലപ്പെട്ടു. ശനിയാഴ്ച്ച പുലർച്ചയോടെയാണ്…
ശ്രീലങ്കയിലെ ട്രിങ്കോമാലി സാഹിറ കോളേജിൽ ശിരോവസ്ത്രം ധരിച്ച് പരീക്ഷ എഴുതിയ 70 ഓളം വിദ്യാർത്ഥികളുടെ പരീക്ഷാ ഫലം തടഞ്ഞുവെച്ച് ശ്രീലങ്കൻ…
കണ്ണൂർ : അമ്മയെ മകൻ കഴുത്തു ഞെരിച്ച് കൊല്ലാൻ ശ്രമിച്ച മകൻ അറസ്റ്റിൽ. ചെറുപുഴയിൽ ഭൂദാനം സ്വദേശിയായ നാരായണിയെ കൊല്ലാൻ…
സുല്ത്താന്ബത്തേരി : മുന് ഭാര്യയോടുള്ള വിരോധത്തിൽ കാറില് എം.ഡി.എം.എ വെച്ച് ദമ്പതികളെ കേസില് കുടുക്കാന് ശ്രമിച്ച സംഭവത്തില് രണ്ടു പേരെക്കൂടി…
നടൻ സിദ്ദിക്കിന്റെ മകൻ റിഷാൻ മരണപ്പെട്ടത് കഴിഞ്ഞ ദിവസമാണ്. ഭിന്നശേഷിക്കാരനായ മകന്റെ അകാലത്തിലുള്ള മരണം മലയാളികളെ ആകെ വേദനിപ്പിച്ചതായിരുന്നു. പിന്നാലെ…
ഇന്ത്യയുടെ ബഹിരാകാശ ദൗത്യമായ ഗഗൻയാനിന്റെ ഗ്രൂപ്പ് ക്യാപ്റ്റനും തന്റെ ഭർത്താവുമായ പ്രശാന്ത് ബാലകൃഷ്ണൻ നായരുടെ കരിയറിലെ അഭിമാനകരമായ നേട്ടം പങ്കുവച്ച്…