വിവാഹമോചിതരായിട്ടില്ല, പുത്തൻ ചിത്രവുമായി വീണ നായർ

മിനിസ്‌ക്രനിലൂടെയും ബിഗ് സ്‌ക്രീനിലൂടെയും മലയാളികൾക്ക് പ്രിയങ്കരിയായ നടിയാണ് വീണ നായർ. കഴിഞ്ഞ ബിഗ് ബോസ് സീസണിലെ മത്സരാർത്ഥി കൂടിയായിരുന്നു വീണ. ഷോ കഴിഞ്ഞതിന് ശേഷം നടിയുടെ കുടുംബ ജീവിതത്തിൽ ചില പ്രശ്നങ്ങളുണ്ടായെന്നും, ഡിവോഴ്സ് ആയെന്നുമൊക്കെ സോഷ്യൽ മീഡിയയിൽ പ്രചാരണമുണ്ടായിരുന്നു.

ഇപ്പോളിതാ വീണ നായരുടെ പുതിയ ഇൻസ്റ്റഗ്രാം സ്റ്റോറിയാണ് ശ്രദ്ധ നേടുന്നത്. ഭർത്താവിനും കുഞ്ഞിനുമൊപ്പമുള്ള ഫോട്ടോയാണ് വീണ ഇൻസ്റ്റഗ്രാമിൽ പങ്കുവച്ചത്. വെറുതെ അങ്ങ് പങ്കുവയ്ക്കുകയായിരുന്നില്ല, ഇന്നൊരു സ്‌പെഷ്യൽ ഡേ ആണെന്ന് പറഞ്ഞുകൊണ്ടാണ് വീണ ചിത്രങ്ങൾ പങ്കുവച്ചിരിയ്ക്കുന്നത്.

ഇന്ന് വീണ നായരുടെയും അമന്റെയും മകൻ അമ്പാടിയുടെ ആദ്യ സ്റ്റേജ് പെർഫോമൻസ് ഡേ ആണ്. ചെസ്സ് നമ്പർ എല്ലാം കുത്തി അമ്പൂട്ടൻ നിൽക്കുന്ന വീഡിയോകളും വീണ പങ്കുവച്ചിട്ടുണ്ട്. സ്‌കൂൾ യൂനിഫോമിലുള്ള മകന്റെ വീഡിയോ നടി ആര്യയും പങ്കുവച്ചിട്ടുണ്ട്. മോനും വീണയും ഉള്ള ഫോട്ടോകൾ മാത്രമല്ല, മകന്റെ ടീച്ചർക്ക് ഒപ്പം അവന്റെ അച്ഛനും അമ്മയും നിന്നിട്ടുള്ള ഫോട്ടോകളും ഉണ്ട്. അച്ഛകുട്ടി, അമ്മകുട്ടി എന്നിങ്ങനെയാണ് ഫോട്ടോയ്ക്ക് ഹാഷ് ടാഗുകൾ കൊടുത്തിരിയ്ക്കുന്നത്. വീണയും ഭർത്താവും പിരിഞ്ഞു എന്നു പറയുന്നവർക്കൊരു കിടിലൻ മറുപടിയാണ്ത്.

ടെലിവിഷൻ സീരിയലുകളിൽ വില്ലത്തി വേഷം ചെയ്താണ് വീണ നായർ ശ്രദ്ധിക്കപ്പെടുന്നത്. പിന്നെ സിനിമയിലേക്ക് കൂടി അഭിനയിച്ച് തുടങ്ങിയതോടെ പ്രേക്ഷക പ്രശംസ നേടിയെടുത്തു. ഇതിനിടെ ബിഗ് ബോസ് മലയാളം ഷോ യിലും വീണ പങ്കെടുത്തിരുന്നു. രണ്ടാം സീസണിൽ മത്സരിച്ചെങ്കിലും പൂർത്തിയാക്കതെ പുറത്ത് പോവേണ്ടി വന്നു. ഇതിന് പിന്നാലെയാണ് വീണയും ഭർത്താവും തമ്മിലുള്ള അകൽച്ച ഉണ്ടാവുന്നത്.