വീണയും അച്ചു ഉമ്മനും- വീണയുടെ ചവിട്ട് പടികളാണ്‌ ഗോവിന്ദൻ മുതൽ വാലൻ വരെയുള്ള മുതുകുകൾ

വീണാ വിജയൻ – അച്ചു ഉമ്മൻ ഈ രണ്ട് യുവതികൾ..ഒരാൾ മുൻ മുഖ്യമന്ത്രിയുടെ മകൾ. ഒരാൾ നിലവിലെ മുഖ്യമന്ത്രിയുടെ മകൾ. രാഷ്ട്രീയ സെലിബ്രേറ്റിമാർ. ഇവരേ താരതമ്യം ചെയ്യുകയാണ്‌ മാധ്യമ പ്രവർത്തക അഞ്ജു പാർവതി. ഉമ്മൻ ചാണ്ടിയുടെ മകൾ അച്ചു ഉമ്മൻ അനവധി ആരോപണങ്ങൾ നേരിട്ടു. സോളാർ വിവാദത്തിലെ വിവാദ കഥാപാത്രങ്ങൾക്കൊപ്പം വേട്ടയാടപ്പെട്ടു. സ്വന്തം അഭിമാനം പോലും സോളാർ വിവാദത്തിൽ വലിച്ചിഴച്ച് ചർച്ചയാക്കി. എന്നിട്ടും അന്ന് അച്ചു ഉമ്മൻ പതറിയിരുന്നില്ല. അച്ചു ഉമ്മനേ ന്യായീകരിക്കാൻ പാർട്ടിയും നേതാക്കളും എന്തിനധികം പിതാവ് ഉമ്മൻ ചാണ്ടിപോലും ഒന്നും മിണ്ടിയില്ല. എല്ലാം അവൾ തനിയേ നേരിട്ടു

ഇന്ന് വീണാ വിജയൻ അഴിമതി ആരോപണത്തിലും കള്ള പണം ഇടപാടിലും എല്ലാം പെട്ടു. വീണക്ക് രക്ഷപെടാൻ അവൾ പാർട്ടി സിക്രട്ടറിയേ പോരിനു മുന്നിൽ നിർത്തുന്നു. ഭർത്താവിനെ നിർത്തുന്നു. മുൻ മന്ത്രി തോമസ് ഐസക്കിനേ നിർത്തുന്നു. ബാലന്മാരേ കൂട്ടിനു കൂട്ടുന്നു. വീണ എന്ന് കുട്ടിക്ക് ഒന്നേ ഒള്ളു..ആരുടെ മുതുകത്ത് കയറി ആണേലും ഈ കടമ്പ ഒന്നു കടക്കണം. അതിനുള്ള ചവിട്ട് പടികളാണ്‌ ഗോവിന്ദൻ മുതൽ വാലനും ബാലനും വരെ..

അഞ്ജു പാർവതിയുടെ കുറിപ്പിന്റെ പൂർണ്ണ രൂപം

തന്റെ ഡ്രസ്സിങ്, തന്റെ ലൈഫ് സ്റ്റൈൽ, തന്റെ വരുമാന മാർഗ്ഗം എന്നിവയെ കുറിച്ച് ആരോപണം ഉന്നയിക്കപ്പെട്ടപ്പോൾ അവർ മാളത്തിൽ കയറി ഒളിച്ചില്ല. പി ആർ വർക്കുകാരെ വിളിച്ചു കൂട്ടി ക്യാപ്‌സ്യൂൾ വാരി വിതറിയില്ല. തന്നെ കുറിച്ച് ഒരു ചർച്ച വന്നപ്പോൾ അത് വിശദീകരിക്കാൻ അപ്പന്റെ പാർട്ടിയെയോ, വക്താക്കളെയോ ഏല്പിച്ചുമില്ല. പകരം ചങ്കൂറ്റത്തോടെ വന്ന് നിന്ന് പൊതുസമൂഹത്തിനു മുന്നിൽ പറയാനുള്ളത് വ്യക്തമായി, കൃത്യമായി വിളിച്ചുപറഞ്ഞു!!!