ട്രെയിനിനുള്ളില്‍ അശ്ലീല പ്രദർശനം നടത്തിയ യുവാവിന് വിദ്യാ ബാലൻ കൊടുത്ത എട്ടിന്റെ പണി

ഒട്ടേറെ വേറിട്ട കഥാപാത്രങ്ങളിലൂടെ പ്രേക്ഷകരെ വിസ്‍മയിപ്പിച്ച നടിയാണ് വിദ്യാ ബാലൻ. നിരവധി കഥാപാത്രങ്ങളിലൂടെ പ്രേക്ഷകമനസ്സില്‍ ചിരപ്രതിഷ്ഠ നേടിയ താരവുമാണ് വിദ്യ ബാലന്‍. സിനിമ നിര്‍മ്മാതാവ് സിദ്ധാര്‍ഥ് കപൂറാണ് വിദ്യയുടെ ഭര്‍ത്താവ്. ട്രെയിനിൽ വെച്ച് തനിക്ക് നേരിട്ട ദുരനുഭവത്തെക്കുറിച്ച് വിദ്യാ ബാലൻ നടത്തിയ പ്രസ്താവന സോഷ്യൽ മീഡിയയിൽ വീണ്ടും വൈറലാകുന്നു. ലോക്ക് ഡൗണിൽ കുടുങ്ങിയ ഈ കാലത്ത്   സോഷ്യൽ മീഡിയയിൽ കയറി ഇറങ്ങുന്നവരാണ് ഇത്തരം വാർത്തകൾ കുത്തിപ്പൊക്കുന്നത്

ഒരു ലോക്കല്‍ ട്രെയിനിന്റെ ലേഡീസ് കമ്പാര്‍ട്ട്‌മെന്റില്‍ ചാടിക്കയറിയ പുരുഷന്‍ സ്ത്രീകള്‍ക്കു മുന്നില്‍നിന്നു പരസ്യമായി സ്വയംഭോഗം ചെയ്യാനൊരുങ്ങിയതാണ് വിദ്യ പറഞ്ഞത്. അന്നു ഞാന്‍ കോളജില്‍നിന്നും സ്ത്രീകളുടെ കമ്പാര്‍ട്ട്‌മെന്റില്‍ വീട്ടിലേക്കു മടങ്ങുകയായിരുന്നു. പെട്ടെന്ന് ഒരാള്‍ ഒരു സ്‌റ്റേഷനില്‍നിന്നു കമ്പാര്‍ട്ട്‌മെന്റിലേക്കു ചാടിക്കയറി. ഉടന്‍തന്നെ ട്രെയിനിലുണ്ടായിരുന്ന സ്ത്രീകള്‍, ഇതു ലേഡീസ് കമ്പാര്‍ട്ട്‌മെന്റാണെന്നും ഉടന്‍തന്നെ ഇറങ്ങൂ എന്നും ആവശ്യപ്പെട്ടു. അറിയാതെ കയറിയതാണ് എന്നാണ് എല്ലാവരും വിചാരിച്ചത്. അടുത്ത സ്‌റ്റേഷനില്‍ ഇറങ്ങിക്കോളാമെന്ന് അയാള്‍ പറഞ്ഞെങ്കിലും സ്‌റ്റേഷനിലെത്തിയിട്ടും വാതില്‍ക്കല്‍ നിലയുറപ്പിക്കുകയാണ് ഉണ്ടായത്.

ട്രെയിന്‍ നീങ്ങിത്തുടങ്ങിയപ്പോള്‍ പെട്ടെന്നയാള്‍ പാന്റ്‌സിന്റെ സിപ്പ് അഴിച്ച് സ്വയംഭോഗം നടത്തുകയായിരുന്നു. ഞങ്ങളെല്ലാം നോക്കിനില്‍ക്കുമ്പോഴായിരുന്നു അത്. എന്റെ കൈയില്‍ ഒരു ഫയലോ ബുക്കോ ഉണ്ടായിരുന്നു. ഉടന്‍തന്നെ ഞാന്‍ അയാളെ അടിച്ചു പുറത്താക്കാന്‍ ശ്രമിച്ചു. ഒപ്പമുള്ളവരും അയാളെ തല്ലാന്‍ തുടങ്ങി. ഭാഗ്യത്തിന് വളരെപ്പെട്ടെന്ന് അടുത്ത സ്‌റ്റേഷനില്‍ എത്തി. അല്ലായിരുന്നെങ്കില്‍ അയാളെ ഞങ്ങള്‍ കൊല്ലുമായിരുന്നു’ഇന്നു സ്ത്രീകള്‍ പൊതു സ്ഥലത്തു നേരിടുന്ന പ്രശ്‌നങ്ങളെക്കുറിച്ചു സംസാരിച്ചപ്പോഴാണ് ഈ അനുഭവം വിദ്യ പങ്കുവച്ചത്. പൊതു സ്ഥലത്തു സ്ത്രീകളുടെ മുന്നില്‍വച്ചു സ്വയംഭോഗം ചെയ്യുന്ന പുരുഷന്മാരുടെ എണ്ണം വര്‍ധിച്ചിട്ടുണ്ടെന്നാണു കണക്കുകള്‍ സൂചിപ്പിക്കുന്നത്. ട്രെയിനില്‍ മുതല്‍ ആകാശത്തു വിമാനത്തില്‍ വച്ചുവരെ അടുകാലത്ത് സമാന സംഭവങ്ങള്‍ റിപ്പോര്‍ട്ട് ചെയ്തിരുന്നു. ബീഗം ജാന്‍ എന്ന സിനിമയുടെ പ്രൊമോഷനിടെ കൊല്‍ക്കത്ത വിമാനത്താളവത്തില്‍വച്ച് ഒരാള്‍ മോശമായി പെരുമാറിയതിനെക്കുറിച്ചും അടുത്തിടെ വിദ്യ വെളിപ്പെടുത്തിയിരുന്നു.