മാർച്ച്‌ മാസത്തിലാണ് ഒരുപാട് സംഭവങ്ങൾ ഉണ്ടായത്, വിജയ് യേശുദാസിന്റെ പോസ്റ്റ് ചർച്ചയാകുന്നു

മലയാളികളുടെ പ്രിയപ്പെട്ട ഗായകനാണ് വിജയ് യേശുദാസ്. ഗാനഗന്ധർവൻ യേശുദാസിന്റെ മകനായ വിജയ് യേശുദാസ് അഭിനയത്തിലും ഒരു കൈ നോക്കിയിട്ടുണ്ട്. നിരവധി ഹിറ്റ് ഗാനങ്ങൾ വിജയ് യേശുദാസ് ആലപിച്ചിട്ടുണ്ട്. മലയാളത്തിന് പുറമെ തമാഴ്, ഹിന്ദി, കന്നഡ, തുളു, തെലുഗ് ഭാഷകളിലും വിജയ് നിരവധി ഗാനങ്ങൾ ആലപിച്ചിട്ടുണ്ട്. നിരവധി പുരസ്‌കാരങ്ങളും ഗായകനെ തേടിയെത്തിയിട്ടുണ്ട്. എപ്പോഴും വാർത്തകളിലും ​ഗോസിപ്പ് കോളങ്ങളിലും നിറഞ്ഞ് നിൽക്കാറുള്ള ഒരു ​ഗായകൻ കൂടിയാണ് വിജയ്.

നാൽപ്പത്തിനാലുകാരനായ വിജയ് ഏറെക്കാലത്തെ പ്രണയത്തിനുശേഷമാണ് വിവാഹിതനായത്. ഭാര്യ ദർശനയുമായുള്ള വിവാഹബന്ധം വേർപ്പെടുത്തിയാതായി വിജയ് യേശുദാസ് അടുത്തിടെ വെളിപ്പെടുത്തിയിരുന്നു. എന്നാൽ, ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത് താരത്തിന്റെ പുതിയ പോസ്റ്റാണ്.

‘മാർച്ച്‌ മാസത്തിലാണ് ഒരുപാട് സംഭവങ്ങൾ ഉണ്ടായത്. വിശ്വാസം..’ എന്നാണ് വിജയ് യേശുദാസ് പങ്കുവെച്ച പോസ്റ്റിലൂടെ പറയുന്നത്. ഇതുകൊണ്ട് താരം ഉദ്ദേശിച്ചത് എന്താണെന്നാണ് ആരാധകർ ചോദിക്കുന്നത്. ഭാര്യയുമായി അകന്നത് അടക്കമുള്ള സംഭവങ്ങളായിരിക്കും അദ്ദേഹം പറയാൻ ഉദ്ദേശിച്ചതെന്ന് തരത്തിൽ കമന്റുകൾ വന്ന് തുടങ്ങി. ഇതിന് പിന്നാലെ വേറെ നിരവധി എഴുത്തുകളായിട്ടാണ് താരം എത്തിയിരിക്കുന്നത്.

‘പ്രതികരിക്കാതെ ഇരിക്കുന്നതാണ് പലയിടത്തും നല്ലത്. ആളുകളോടോ ചില സാഹചര്യങ്ങളിലോ എന്താണെങ്കിലും ദേഷ്യപ്പെടരുത്. നമ്മുടെ പ്രതികരണമില്ലാതെ ഇതിന് രണ്ടിനും ശക്തിയുണ്ടാവില്ല. ഈ വാക്കുകൾ മനസിലാക്കിയാൽ നമ്മുടെ ജീവിതത്തിൽ ഒരുപാട് മാറ്റങ്ങൾ വരുത്താൻ സാധിക്കുമെന്നും’ വിജയ് പറയുന്നു.

എങ്ങനെ ക്ഷമ പറയണം, എങ്ങനെ സംസാരിക്കണം, സത്യസന്ധരായിരിക്കണം, മറ്റൊരാളെ കുറ്റപ്പെടുത്താതെ ഉത്തരവാദിത്തം മനസിലാക്കുകയൊക്കെ ചെയ്തില്ലെങ്കിൽ നമ്മൾ തീരെ വളർന്നിട്ടില്ലെന്ന് മനസിലാക്കുകയാണ് വേണ്ടത്. കഴിഞ്ഞ കാര്യങ്ങൾ പുറകിലേക്ക് പോയി മാറ്റം വരുത്താൻ നമുക്ക് സാധിക്കില്ല. എന്നാൽ നമ്മൾ എവിടെയാണോ അവിടം തൊട്ട് നമുക്ക് അവസാനം വരെ മാറ്റം വരുത്താൻ സാധിച്ചേക്കും…’ എന്നിങ്ങനെ വിമർശാനത്മകമായിട്ടുള്ള എഴുത്തുകളും വിജയ് യേശുദാസ് പങ്കുവെച്ചു.