ഭാര്യക്ക് പത്ത് വയസ്സുള്ള ഒരു മോളുണ്ട്,ആ കുഞ്ഞ് മസ്ക്കറ്റിലാണ്- വികാസ്

തന്റെ ജീവിതത്തിലെ ഏറ്റവും സുന്ദര നിമിഷത്തിനായുള്ള കാത്തിരിപ്പിലാണ് മേക്കപ്പ് ആർട്ടിസ്റ്റ് വികാസ്. വികാസിന്റെയും ഭാര്യ ഷെറിന്റെയും ജീവിതത്തിലേക്ക് ഉടൻ കുഞ്ഞതിഥിയെത്തും. രണ്ടാം വിവാഹത്തിലൂടെ ആണ് താനും ഭാര്യ ഷെറിനും വിവാഹതിരായത്. അവൾ വിഡോ ആണെന്നും, താനൊരു ഡിവോഴ്‌സി ആണെന്നും വികാസ് പറഞ്ഞിരുന്നു.

അവൾക്ക് ഒരു മകളുണ്ട്. പത്തുവയസ്സുണ്ട് മോൾക്ക്. ഞാൻ ആ മോളേം കൂടിയാണ് സ്വീകരിച്ചത്. നമ്മൾക്ക് ഒരു ലവ് സ്റ്റോറി ഒന്നും പറയാനില്ല. സ്റ്റോറി തുടങ്ങിയശേഷം പ്രണയത്തിൽ ആയവരാണ്. അവൾക്ക് ഒരു മകൾ ഉണ്ടെന്നു പറഞ്ഞപ്പോൾ എനിക്ക് വലിയ വിഷയങ്ങൾ ഒന്നും തോന്നിയില്ല. അവളുടെ മോൾ ഷെറിന്റെ അച്ഛന്റെയും അമ്മയുടെയും ഒപ്പം മസ്ക്കറ്റിലാണ്.

മോളെ ഇടക്ക് ഇടക്ക് കാണാൻ വേണ്ടി ഞങ്ങൾ മസ്ക്കറ്റിലേക്ക് പോകാറുണ്ട്. ഇടയ്ക്കിടെ നാട്ടിലേക്കും അവർ വരാറുണ്ട്. എപ്പോഴും ആ ഒരു ബന്ധം നമ്മൾ കാത്തുസൂക്ഷിക്കുന്നവരാണ്. ഫെബ്രുവരി 12 നാണ് നമ്മൾ വിവാഹിതരാകുന്നത്. അതുകൊണ്ടുതന്നെ ലവ് സ്റ്റോറി അന്നാണ് തുടങ്ങിയത് എന്ന് പറയാം. മാട്രിമോണിയൽ വഴിയാണ് കണ്ടുമുട്ടുന്നത്.

മോളുടെ അടുത്ത് ഞാൻ മമ്മിയെ കല്യാണം കഴിക്കാൻ പോവാണ് എന്നൊന്നും പറഞ്ഞിട്ടില്ല. അതൊക്കെ സിനിമയിലാണല്ലോ. അങ്ങനെ നേരിട്ട് ഒന്നും പറഞ്ഞിട്ടില്ല. ഞാൻ ആദ്യമൊക്കെ ആ കുട്ടിക്ക് അപരിചിതൻ ആണല്ലോ. ഇപ്പോൾ നമ്മൾ നല്ല കമ്പനിയാണ്. പക്ഷേ അന്ന് ഞാൻ അതൊന്നും പറഞ്ഞില്ല. നമ്മളുടെ പാസ്റ്റ് ലൈഫ് ഒന്നും ഒരിക്കലും എവിടെയും ചർച്ച ആയിട്ടില്ല- വെറൈറ്റി മീഡിയയോട് വികാസ് പറയുന്നു.

നമ്മൾക്ക് ഇപ്പോഴാണ് ജീവിതം തുടങ്ങിയത് എന്ന മെന്റാലിറ്റിയാണ്. അവൾ എന്റെ പ്രൊഫെഷൻ അറിഞ്ഞുകണ്ട് അഡ്ജസ്റ്റ് ചെയ്യുന്ന ആളാണ്. വിവാഹത്തിന്റെ പിറ്റേ ദിവസം എനിക്ക് വർക്ക് ഉണ്ടായിരുന്നു. അവളോട് കാര്യങ്ങൾ പറഞ്ഞ സമയം അവൾക്ക് അതൊരു വിഷയം ആയിരുന്നില്ല. ഞാൻ സ്നേഹിക്കുന്ന പോലെ എന്റെ പ്രൊഫെഷനെ അവളും സ്നേഹിക്കുന്നുണ്ട്.