ആനന്ദത്തിലെ കുപ്പിയുടെ വിവാഹ നിശ്ചയം കഴിഞ്ഞു, വിവാഹം കഴിക്കുന്നത് ജയപ്രിയ നായരെ

ആനന്ദം എന്ന ചിത്രത്തിലെ കുപ്പി എന്ന കഥാപാത്രത്തിലൂടെ മലയാളികളുടെ പ്രിയ താരമായി മാറിയ നടനാണ് വിശാഖ് നായർ. താരത്തിന്റെ വിവാഹ നിശ്ചയം കഴിഞ്ഞെന്ന വാർത്തയാണ് പുറത്തു വരുന്നത്. ജയപ്രിയ നായരാണ് വധു. ദർശന രാജേന്ദ്രനും അനാർക്കലി മരക്കാരും ഉൾപ്പെടെ ആരാധകരും സുഹൃത്തുക്കളും ചടങ്ങിൽ പങ്കെടുത്തു.

ഹൃദയസ്പർശിയായ കുറിപ്പോടെ ജയപ്രിയയ്ക്കൊപ്പമുള്ള ചിത്രങ്ങൾ പങ്കുവച്ചാണ് വിശാഖ് വിവാഹ വാർത്ത അറിയിച്ചത്. ‘ഒരാളുടെ ജീവിതത്തിൽ ചിന്തിക്കാനാവാത്തതായി തോന്നുന്ന ഒരു പോയിന്‍റ് വരുന്നു. ഒരാൾ തന്‍റെ സ്വതന്ത്ര്യമുള്ള ഇച്ഛാശക്തി കൈമാറാനും എതിർലിംഗത്തിൽപ്പെട്ട മറ്റൊരാളുടെ സന്തോഷവും സങ്കടവും അനുഭവിക്കാനും തീരുമാനിക്കുകയും ചെയ്യുന്നു. ഭയപ്പെടുത്തുന്നതായി തോന്നുന്നുണ്ടോ…. ശരിയല്ലേ? പക്ഷെ… മുകളിലുള്ള ചിത്രങ്ങളിലേത് പോലെ ഞാൻ ആ യുവതിയെ കണ്ടുമുട്ടി. അത് പോലെ…. ആ ഭയങ്ങൾ അലിഞ്ഞു. മഴവില്ലിന്‍റെ അവസാനത്തിൽ എനിക്ക് ഒരു സ്വർണ്ണ പാത്രം കാണാൻ കഴിഞ്ഞു. കാരണം… ഞാൻ തിരയുന്നത് പോലും എന്തെന്ന് എനിക്ക് പോലും അറിയാത്തത് ഞാൻ കണ്ടെത്തിയിരുന്നു… നഷ്ടപ്പെട്ട പസിൽ. അതിനാൽ പ്രതീക്ഷയും സന്തോഷവും ആവേശവും നിറഞ്ഞ് ഞാൻ നിങ്ങൾക്ക് പരിചയപ്പെടുത്തുന്നു എന്‍റെ പ്രതിശ്രുത വധു…. ജയപ്രിയ നായരെ. ഞങ്ങൾ ഉടൻ തന്നെ ഒരു മോതിരം ഇടും എന്നാൽ അതുവരെ ഞങ്ങള്‍ നിങ്ങളുടെ ഹൃദയത്തിലും പ്രാർത്ഥനയിലും ഉണ്ടാകണേ… ഒക്ടോബർ 21. #ഇനി ആനന്ദമേ എന്ന് പറയാൻ എനിക്ക് കൂടുതൽ കാരണങ്ങൾ നൽകുന്ന ഒരു ദിവസം’ എന്നാണ് ഒരു മാസം മുമ്പ് വധുവിനെ പരിചയപ്പെടുത്തികൊണ്ട് ഇൻസ്റ്റ​​ഗ്രാമിൽ വിശാഖ് കുറിച്ചത്.

ആനന്ദത്തിലൂടെ ശ്രദ്ധേയനായ വിശാഖ് നായർ ചങ്ക്‌സ്, പുത്തൻപണം, ആന അലറലോട് അലറൽ തുടങ്ങി നിരവധി സിനിമകളിൽ ശ്രദ്ധേയമായ വേഷങ്ങൾ ചെയ്തിട്ടുണ്ട്.