നിന്റെ ഒപ്പമുള്ള സാഹസങ്ങൾക്ക് എന്നും നിറശോഭയാണ്, അനുശ്രീക്കൊപ്പം വിഷ്ണു

സീരിയൽ താരം പ്രകൃതി വിവാഹിതയായത് അടുത്തിടെയാണ്. വിവാഹ ഫോട്ടോകൾ വൈറലായതോടെയാണ് വിവാഹക്കാര്യം സഹപ്രവർത്തകരും ആരാധകരും അറിയുന്നത്. എന്റെ മാതാവ് സീരിയലിന്റെ ക്യാമറാമാൻ വിഷ്ണു സന്തോഷാണു വരൻ. ഏപ്രിൽ 1 ന് തൃശൂർ ആവണങ്ങാട്ട് ക്ഷേത്രത്തിലായിരുന്നു ചടങ്ങുകൾ. അരയന്നങ്ങളുടെ വീട് എന്ന സീരിയലിന്റെ സെറ്റിൽവച്ചാണ് വിഷ്ണുവിനെ പരിചയപ്പെടുന്നതും പ്രണയത്തിലാകുന്നതും.

ഓമനത്തിങ്കൾ പക്ഷി എന്ന സീരിയലിൽ ബാല താരമായാണു തുടക്കം. ജിത്തു മോൻ എന്ന ആൺകുട്ടിയെ ആണ് ഈ സീരിയലിൽ അവതരിപ്പിച്ചത്. തുടർന്ന് നിരവധി സീരിയലുകളിൽ ബാലതാരമായ തിളങ്ങി. പിന്നീട് നായിക വേഷത്തിലും ശ്രദ്ധിക്കപ്പെട്ടു. അനുശ്രീ എന്നാണു യഥാർഥ പേര്. അഭിനയരംഗത്ത് സജീവമായതോടെയാണു പ്രകൃതി എന്നു പേരു മാറ്റിയത്. മഞ്ഞിൽ വിരിഞ്ഞ പൂവ്, പൂക്കാലം വരവമായി, പാദസരം, അമല, ദേവീ മാഹാത്മ്യം, സ്വാമി അയ്യപ്പൻ, ചിന്താവിഷ്ടയായ സീത, ശ്രീകൃഷ്ണൻ എന്നിവയാണു പ്രധാന സീരിയലുകൾ. ഏതാനും സിനിമകളിലും അഭിനയിച്ചിട്ടുണ്ട്.

ഇപ്പോൾ അനുശ്രീക്ക് ഒപ്പമുള്ള ചിത്രം പങ്ക് വെച്ചെത്തിയിരിക്കുകയാണ് വിഷ്ണു. ‘നിന്റെ ഒപ്പമുള്ള സാഹസങ്ങൾക്ക് എന്നും നിറശോഭയാണ്’ എന്ന ക്യാപ്‌ഷൻ നൽകിയാണ് വിഷ്ണു ചിത്രം പങ്ക് വച്ചിരിക്കുന്നത്. അനുവും ചില സന്തോഷനിമിഷങ്ങൾ സോഷ്യൽ മീഡിയ വഴി പങ്കിട്ടിട്ടുണ്ട്. വിഷ്ണുവും ആയുള്ള പ്രണയം തുടക്കം മുതലേ തന്റെ വീട്ടിൽ പ്രശ്നമായിരുന്നു എന്ന് അടുത്തിടെ അനുശ്രീ വ്യക്തമാക്കിയിരുന്നു.