സമൂഹത്തെയും സിസ്റ്റത്തെയും ഭയന്നാണ് ജീവിച്ചിരുന്നത്; വിസ്മയയെ പോലെയുള്ള സഹോദരിമാര്‍ക്ക് താങ്ങാകുമെന്ന് സഹോദരന്‍

വിസ്മയ മരിച്ച ദിവസം മുതൽ ഇന്ന് വരെ തങ്ങൾക്കൊപ്പം ഉണ്ടായിരുന്ന സമൂഹത്തിനും മാധ്യമങ്ങൾക്കും നന്ദിയറിയിച്ച് സഹോദരൻ വിജിത്ത്. എല്ലാവരുടേയും പ്രാർത്ഥനയാണ് അനുകൂലമായ വിധിക്ക് കാരണമായതെന്ന് വിജിത്ത് പറയുന്നു. ഇത്തരം വിഷമം അനുഭവിക്കുന്ന സഹോദരിമാർക്ക് തന്നാൽ കഴിയുന്ന സഹായം ചെയ്യാറുണ്ടെന്നും ഇനിയും അത് തുടരുമെന്നും വിജിത്ത്  പറഞ്ഞു.

മോളെ ഇനി തിരിച്ചുകിട്ടില്ലെന്ന് അറിഞ്ഞുകൊണ്ടുതന്നെയാണ് അവസാനംവരെ പോരാടാന്‍ ഞങ്ങള്‍ തീരുമാനിച്ചത്. സ്ത്രീധനമെന്ന വിപത്ത് കാരണം ഒരുപാട് പേര്‍ ഇപ്പോഴും ദുരിതം അനുഭവിക്കുന്നുണ്ട്. ഒരുപാട് പേര്‍ രക്തസാക്ഷികളായി. മോള്‍ മരിച്ചതിനു ശേഷവും പത്തിലേറെ പേരാണ് സ്ത്രീധനപീഡനം കാരണം കേരളത്തില്‍ മരിച്ചത്. അതിനാല്‍ ഈ വിധി ഒരു താക്കീതായാണ് കാണുന്നതെന്നും വിജിത്ത് പറഞ്ഞു.