പനി ബാധിച്ചു ചികിത്സയിലായിരുന്ന 19 കാരി ഉറക്കത്തിനിടെ മരിച്ചു

വയനാട്ടിൽ പനി ബാധിച്ചു ചികിത്സയിലിരുന്ന പെൺകുട്ടി മരിച്ചു. ചീരാൽ നമ്പ്യാർകുന്ന് കളത്തിൽ വീട്ടിൽ അനശ്വര കൃഷ്ണൻ (19) ആണ് മരിച്ചത്. കൃഷ്ണൻ, ഗീത ദമ്പതികളുടെ മകളാണ് മരിച്ച അനശ്വര കൃഷ്ണൻ.

കഴിഞ്ഞ ഞായറാഴ്ച പനിയെ തുടർന്ന് നമ്പ്യാർകുന്ന് ടൗണിലെ ക്ലീനികിൽ അനശ്വരയെ പ്രവേശിപ്പിച്ചിരുന്നു. ചികിത്സയിലിരിക്കവെ ഇന്നലെ ഭക്ഷണം കഴിച്ച് ഉറങ്ങാൻ കിടന്ന പെൺകുട്ടിയെ രാവിലെ മരിച്ച നിലയിൽ കാണപ്പെടുകയായിരുന്നു.

മൃതദേഹം ബത്തേരി താലൂക്ക് ആശുപത്രിയിലെ പോസ്റ്റുമാർട്ടത്തിന് ശേഷം വീട്ടിൽ എത്തിക്കും. സംസ്‌കാരം വൈകീട്ട് നമ്പ്യാർകുന്ന് പൊതുശ്മശാനത്തിൽ നടക്കും. നമ്പ്യാർകുന്ന് പോസ്റ്റ് ഓഫീസിന് അടുത്ത് പലചരക്ക് കട നടത്തുകയാണ് അച്ഛൻ കൃഷ്ണൻ. കടയിൽ അച്ഛനെ സഹായിച്ചു വരികയായിരുന്നു അനശ്വരയെന്ന് വാർഡ് അംഗം പറഞ്ഞു. അജന്യ കൃഷ്ണൻ ആണ് സഹോദരി.