വര്‍ഷങ്ങള്‍ക്ക് ശേഷം മമ്മൂട്ടിയെ കണ്ടപ്പോള്‍;തുറന്ന് പറഞ്ഞ് ശങ്കര്‍

ഒരു കാലത്ത് മലയാള സിനിമയിലെ നിറ സാനിധ്യമായിരുന്നു നടന്‍ ശങ്കര്‍. 1980 കളിലാണ് അദ്ദേഹം സിനിമയില്‍ എത്തുന്നത്. നാല്‍പ്പത്തിരണ്ട് വര്‍ഷത്തെ തന്റെ സിനിമ ജീവിതത്തിലെ അനുഭവങ്ങള്‍ ഇപ്പോള്‍ അദ്ദേഹം തുറന്ന് പറയുകയാണ്. സിനിമയില്‍ എത്തിയ ആദ്യത്തെ 14 വര്‍ഷങ്ങള്‍ നല്ലകാലമായിരുന്നുവെന്നാണ് അദ്ദേഹം പറയുന്നത്. നല്ലതും ചീത്തയുമായ ഒരു പാട് ജീവിത അനുഭവങ്ങളിലൂടെയാണ് അദ്ദേഹത്തിന്റെ സിനിമ ജീവിതം മുന്നോട്ട് പോകുന്നത്.

സിനിമയില്‍ സജ്ജീവമായിരുന്ന കാലത്ത് പെട്ടി നിറയെ പണം ഉണ്ടായിരുന്നു. മൂന്നും നാലും സിനിമകളുടെ ചിത്രീകരണത്തിന് ശേഷമാണ് വീട്ടില്‍ പോയിരുന്നത്. അതിനാല്‍ സിനിമയില്‍ നിന്നും ലഭിക്കുന്ന പണം പെട്ടിയില്‍ സൂക്ഷിക്കും. അച്ഛന്‍ വന്ന് വേണം അക്കാലത്ത് പണം കൊണ്ടുപോകുവാനെന്നും ശങ്കര്‍ ഓര്‍മ്മിക്കുന്നു. ചിലര്‍ പറയുന്നത് പണം ആളുകള്‍ എടുത്തുകൊണ്ട് പോകുമെന്നാണ് എന്നാല്‍ എന്നോട് ചോദിച്ചാല്‍ സുഹൃത്തുക്കള്‍ക്ക് പണം നല്‍കുമെന്നും അദ്ദേഹം പറയുന്നു.

എല്ലാക്കാലത്തും സൗഹൃദത്തിന് വലിയ വില നല്‍കുന്ന വ്യക്തിയാണ് താന്‍. മോഹന്‍ലാലിനെ വെച്ച് സിനിമ ചെയ്യുമെന്ന് അദ്ദേഹം പറഞ്ഞു. ലാലിനെ വെച്ച് ചെയ്യുമ്പോള്‍ അത് വലിയ ഒരു സിനിമയാകണം. അതിനുള്ള കഥ നോക്കുകയാണെന്നും അദ്ദേഹം പറയുന്നു. മഞ്ഞില്‍ വിരിഞ്ഞ പൂക്കള്‍ എന്ന സിനിമയുടെ ചിത്രീകരണ സമയത്താണ് മോഹന്‍ ലാലിനെ ആദ്യമായി കാണുന്നത്. അന്ന് ലാല്‍ പിറകിലാണ് നിന്നത്. ഞാന്‍ അന്ന് ഒരു സിനിമയില്‍ അഭിനയിച്ചിരുന്നു. അന്ന് പിറകില്‍ നിന്ന ലാല്‍ ഇന്ന് എന്താണെന്ന് ഓര്‍ക്കാറുണ്ടെന്ന് അദ്ദേഹം പറയുന്നു.

വര്‍ഷങ്ങള്‍ക്ക് ശേഷം മമ്മൂട്ടിയെ കണ്ടപ്പോള്‍ ഉണ്ടായ സംഭവവും അദ്ദേഹം വെളിപ്പെടുത്തി. കുറെക്കാലത്തിന് ശേഷം യുകെയില്‍ വെച്ചാണ് മമ്മൂട്ടിയെ കണ്ടത്. വലിയ ഹാപ്പിനസ് മമ്മൂക്കയുടെ മുഖത്ത് ഉണ്ടായിരുന്നു. എന്നെ വന്ന് കെട്ടിപ്പിടിച്ചു ശങ്കര്‍പറയുന്നു.