സ്വവര്‍ഗ വിവാഹം, സുപ്രീം കോടതിയുടെ പരിഗണനയില്‍ ഇരിക്കെ, സ്വവർഗനുകൂലികൾക്ക് പിന്തുണയുമായി വിചിത്ര സർവ്വേ റിപ്പോർട്ട് പുറത്ത്

കേന്ദ്ര സർക്കാർ സ്വവര്‍ഗ്ഗ വിവാഹം നിയമപരമാക്കുന്നതിനെ ശക്തമായ നിലപാടുകളുമായി മുന്നോട്ടു പോവുമ്പോൾ, രാജ്യത്തെ 53 ശതമാനം ഇന്ത്യാക്കാരും സ്വവര്‍ഗവിവാഹത്തെ അനുകൂലിക്കുന്നു എന്ന വിചിത്ര സർവ്വേ റിപ്പോർട്ടുകൾ പുറത്ത്. പ്രമുഖ റിസര്‍ച്ച ഗ്രൂപ്പായ പ്യു റിസര്‍ച്ച് സെന്റര്‍ ( pew research centre) നടത്തിയ സര്‍വ്വേയുടെ ഫലമായിട്ടാണ് ഈ വിവരം പുറത്ത് വന്നിരിക്കുന്നത്.

ഇത് സംബന്ധിച്ച കേസുകൾ വിവിധ കോടതിയിൽ ഇരിക്കെ സർവ്വേ റിപ്പോർട്ട് ആസൂത്രിതമായ നീക്കമെന്നാണ് വിലയിരുത്തപ്പെടുന്നത്. രാജ്യത്തെ 53 ല്‍ 28 ശതമാനം പേര്‍ അതിശക്തമായി സ്വവര്‍ഗ വിവാഹത്തെ അനുകൂലിക്കുന്നവരാണ് എന്നാണു റിപ്പോർട്ടിൽ പറഞ്ഞിരിക്കുന്നത്. 25 ശതമാനം പേര്‍ എറെക്കുറെ അംഗീകരിക്കുന്നു എന്നും റിപ്പോർട്ടിൽ ഉണ്ട്.

സർവ്വേയിൽ 31 ശതമാനം പേര്‍ സ്വവര്‍ഗ വിവാഹത്തെ അതി ശ്കതമായി എതിര്‍തത്തപോൾ, 18 ശതമാനം പേര്‍ അത്ര ശക്തിയായി അതിനെ എതിര്‍ക്കുന്നില്ല എന്നും, ഇന്ത്യയില്‍ സ്വവര്‍ഗ വിവാഹം നിയമപരമാക്കണോ എന്ന വിഷയം ഇപ്പോള്‍ സുപ്രീം കോടതിയുടെ പരിഗണനയില്‍ ഇരിക്കുമ്പോൾ റിപ്പോർട്ടിൽ പറഞ്ഞിരിക്കുന്നു.

കേന്ദ്ര സര്‍ക്കാരാകട്ടെ സ്വവര്‍ഗ്ഗ വിവാഹം നിയമപരമാക്കുന്നതിനെ ശക്തമായി എതിര്‍ക്കുന്ന നിലപാടാണ് സ്വീകരിച്ചിട്ടുള്ളത്. ഇന്ത്യന്‍ സംസ്‌കാരത്തിന് വിരുദ്ധമായ ചിന്താഗതിയാണെന്നും അത് കൊണ്ട് അനുവദിക്കാന്‍ കഴിയില്ലന്നുമാണ് കേന്ദ്ര സര്‍ക്കാര്‍ സുപ്രീം കോടതിയില്‍ ഇത് സമ്പാദധിച്ച് വ്യക്തമാക്കിയിട്ടുള്ളത്.