അയോധ്യയിൽ രാമക്ഷേത്രം ഉയരുമ്പോൾ കേരളത്തിലും ശ്രീരാമ സേന സേവനങ്ങളുമായി രംഗത്ത്, സൗജന്യ ആംബുലൻസ് സർവീസ് ആരംഭിച്ചു

അയോധ്യയില്‍ രാമക്ഷേത്രം ഉയരുമ്പോള്‍ കേരളത്തിലും ശ്രീരാമ സേന സേവനങ്ങളുമായി രംഗത്ത്. ശ്രീരാമ സേനയുടെ സംസ്ഥാന പ്രതിനിധി സമ്മേളനവും ആംബുലന്‍സ് സര്‍വീസിനും തുടക്കമായി. നിര്‍ധനരായ ജനങ്ങള്‍ക്ക് സൗജന്യ ആംബുലന്‍സ് സര്‍വീസാണ് ശ്രീരാമ സേന നല്‍കുന്നത്. രാമക്ഷേത്രത്തിന്റെ പ്രതിഷ്ഠ ചടങ്ങുകള്‍ നടക്കുമ്പോള്‍ കേരളത്തിലും ആരവങ്ങള്‍ അലയടിക്കുകയാണ്.

സംവിധായകന്‍ രാമസിംഹന്‍ ചടങ്ങില്‍ പങ്കെടുത്തു. ആദ്യ ഘട്ടത്തിൽ രണ്ട് ആംബുലൻസുകളാണ് സർവീസിനായി ഒരുക്കിയിരിക്കുന്നത്. അയോധ്യയിൽ രാമക്ഷേത്രം പണി പൂർത്തിയാക്കി ഭക്തർക്കായി തുറന്നു കൊടുക്കുമ്പോൾ നാടൊട്ടുക്ക് പ്രതിഷ്ഠാ ദിനം വളരെ കെങ്കേമമായി കൊണ്ടാടുവാൻ തയ്യാറെടുക്കുന്നു. ഇന്ത്യയിലെ ദശലക്ഷക്കണക്കിന് ആളുകൾക്ക് സാംസ്കാരികവും മതപരവും ചരിത്രപരവുമായ പ്രാധാന്യമുള്ളതാണ് അയോധ്യാക്ഷേത്രം.

ശ്രീരാമന് സമർപ്പിച്ചിരിക്കുന്ന ഈ ക്ഷേത്രം പതിറ്റാണ്ടുകളായി തീവ്രമായ സംവാദങ്ങളുടെയും നിയമയുദ്ധങ്ങളുടെയും വികാരങ്ങളുടെയും വിഷയമാണ്. എന്നാൽ രാജ്യമെമ്പാടുമുള്ള ഹിന്ദുക്കൾ രാമന്റെ ഭൂമി തിരികെ ലഭിച്ചതിന്റെ സന്തോഷത്തിലാണ്. അതിന് പ്രാധാനമന്ത്രി മോദിക്ക് നന്ദി പറയുകയാണ്.

പത്മനാഭ ക്ഷേത്രത്തിൽ അമ്പലക്കുളത്തിന്റെ ചുറ്റും ദീപങ്ങൾ കൊളുത്തും, രാമന്റെ വി​ഗ്രഹത്തിൽ പൂജകൽ നടത്തും.എത്ര ദീപം കത്തിക്കാമോ എത്രയും ദീപങ്ങൾ കൊളുത്തും. വരുന്ന തലമുറയോട് രാമന്റെ മഹത്വവും, ജന്മരഹസ്യവും, ലക്ഷ്യവും പറഞ്ഞു കൊടുക്കാം. രാമ ക്ഷേത്രം എന്ന് പറയുന്നത് ഹിന്ദു സമൂഹത്തിന്റേതാണ്. ഹിന്ദു സമൂഹം രാമക്ഷേത്രത്തെ ഉയർത്തിപ്പിടിക്കുന്നു എന്ന് പറയുന്നവരൊക്കെ കേൾക്കേണ്ടത് പല സമൂഹത്തിൽ നിന്നും പല വിഭാഗത്തിൽ നിന്നും പലരും രാമക്ഷേത്ര പ്രാണപ്രതിഷ്ഠാഘോഷമാക്കാൻ മുന്നോട്ടുവരുന്നു എന്ന സത്യമാണ്