പ്രണയവിവാഹത്തിന് ശേഷം 45-ാം ദിവസം യുവതി ഭര്‍ത്താവിന്റെ വീട് കൊള്ളയടിച്ച് മറ്റൊരു കാമുകനൊപ്പം പോയി

രണ്ട് വര്‍ഷം നീണ്ട പ്രണയത്തിന് ഒടുവില്‍ വിവാഹിതയായ യുവതി 45 ദിവസത്തിനുള്ളില്‍ ഭര്‍ത്താവിനെ ഉപേക്ഷിച്ച് മറ്റൊരാള്‍ക്കൊപ്പം കടന്നു കളഞ്ഞു. ഭര്‍ത്താവിന്റെ വീട്ടില്‍ നിന്നും ലക്ഷക്കണക്കിന് രൂപയുടെ സ്വര്‍ണവും പണവും മോഷ്ടിച്ച ശേഷമാണ് യുവതി മറ്റൊരു കാമുകനോടൊപ്പം നാടുവിട്ടത്.

പട്‌നയ്ക്ക് സമീപമുള്ള നൗബത്പൂരിലാണ് സംഭവം ഉണ്ടായത്. രണ്ട് വര്‍ഷം നീണ്ട പ്രണയത്തിന് ഒടുവില്‍ 20കാരി റാണി കുമാരിയെ സത്യാനന്ദ് വിവാഹം ചെയ്യുകയായിരുന്നു. ആദ്യം വീട്ടുകാരുടെ സമ്മതം ലഭിച്ചിരുന്നില്ലെങ്കിലും ഒടുവില്‍ ഇവരുടെ നിര്‍ബന്ധത്തിന് വീട്ടുകാര്‍ വഴങ്ങുകയായിരുന്നു. തുടര്‍ന്ന് ഏപ്രില്‍ 27ന് ഏറെ ആര്‍ഭാടത്തോടെ നടത്തിയ ചടങ്ങിലായിരുന്നു ഇരുവരും വിവാഹിതരായത്.

വിവാഹ ശേഷം ഭര്‍തൃവീട്ടില്‍ എത്തിയതോടെ റാണി മറ്റൊരാളുമായി ഫോണില്‍ ചാറ്റു ചെയ്യുന്നതായി സത്യാനന്ദ് കണ്ടെത്തി. ഇതോടെ കുടുംബത്തില്‍ പ്രശ്‌നങ്ങള്‍ തുടങ്ങി. വാവാഹ സമയത്ത് സമ്മനമായി ലഭിച്ച ആഭരണവും 20,000 രൂപയും എടുത്താണ് റാണി കാമുകനൊപ്പം കടന്നു കളഞ്ഞത്. സേഫിന്റെ പൂട്ട് തകര്‍ത്താണ് റാണി മോഷണം നടത്തിയത്. തുടര്‍ന്ന് വീട്ടുകാര്‍ പോലീസില്‍ പരാതി നല്‍കിയതോടെയാണ് മോഷണ വിവരവും ഒളിച്ചോട്ടവും പുറത്തറിയുന്നത്.