മദ്രസയിൽ നിന്ന് പഴകിയ ആട്ടിറച്ചി കഴിച്ച പെൺകുട്ടി മരിച്ചു

ഭക്ഷ്യവിഷബാധയേറ്റ് ആന്ധ്രാപ്രദേശിലെ വിജയവാഡയിലെ പെൺകുട്ടി മരിച്ചു. മദ്രസയിൽ നിന്ന് കഴിച്ച ഭക്ഷണത്തിൽ നിന്നാണ് ഭക്ഷ്യവിഷബാധ ഏറ്റതെന്നാണ് സംശയം.

വിജയവാഡയിലെ അജിത് സിംഗ് നഗറിലെ മദ്രസ ചാരിറ്റബിൾ ട്രസ്റ്റിലാണ് 100 കിലോയോളം വരുന്ന ആട്ടിറച്ചി വിളമ്പിയത്. ഭക്ഷ്യവിഷബാധയേറ്റ് കരിഷ്മ എന്ന പെൺകുട്ടി മരിക്കുകയും എട്ട് പേരെ ആശുപത്രിയിൽ പ്രവേശിപ്പിക്കുകയും ചെയ്തു.

വ്യാഴാഴ്ച രാത്രി ഭക്ഷണം കഴിച്ചതിന് തൊട്ടുപിന്നാലെ പത്തോളം കുട്ടികൾ ഛർദ്ദിച്ചതായി റിപ്പോർട്ടുകൾ പറയുന്നു, ഇതിന് പിന്നാലെ അടിയന്തിര വൈദ്യസഹായം തേടിയിരുന്നു. ജൂൺ 17 മുതൽ ഉപയോഗിച്ചിരുന്ന പഴകിയ ആട്ടിറച്ചി കഴിച്ചതാണ് ഭക്ഷ്യവിഷബാധയ്ക്ക് കാരണമെന്ന് മരിച്ചവരുടെ കുടുംബാംഗങ്ങൾ ആരോപിക്കുന്നത്.

അതിനിടെ, സംഭവങ്ങളുടെ കൃത്യമായ കാരണം കണ്ടെത്താൻ അധികൃതർ വിഷയത്തിൽ അന്വേഷണം ആരംഭിച്ചിട്ടുണ്ട്, നടപടി ഉറപ്പുനൽകിയതായും വൃത്തങ്ങൾ പറയുന്നു.