യൂത്ത് കോൺഗ്രസ് പ്രവർത്തകരെ മർദിച്ചതിനെതിരെ മുഖ്യമന്ത്രിയുടെ അം​ഗരക്ഷകന്റെ വീട്ടിലേക്ക് പ്രതിഷേധ മാർച്ച്, പൊലീസും പ്രവർത്തകരും തമ്മിൽ സംഘർഷം

തിരുവനന്തപുരം∙ മുഖ്യമന്ത്രിക്കെതിരെ കരിങ്കൊടി പ്രതിഷേധം നടത്തിയ യൂത്ത് കോൺ​ഗ്രസ് പ്രവർത്തകരെ അം​ഗരക്ഷകർ മർദ്ദിച്ച് സംഭവത്തിൽ പ്രതിഷേധ മാർ്ച് നടത്തി പ്രവർത്തകർ.

മുഖ്യമന്ത്രി പിണറായി വിജയന്റെ എസ്കോർട്ട് ഉദ്യോഗസ്ഥൻ സന്ദീപിന്റെ തിരുവനന്തപുരത്തെ വീട്ടിലേക്കാണ് യൂത്ത് കോൺഗ്രസ് പ്രവർത്തകർ മാർച്ച് നടത്തിയത്. ഇത് പെലീസും പ്രവർത്തകരും തമ്മിലുള്ള സംഘർഷത്തിലെത്തി. നടത്തുന്ന വീടിനു സമീപം പൊലീസ് ബാരിക്കേഡ് തടഞ്ഞു. ഇതേത്തുടർന്നാണ് സംഘർഷമുണ്ടായത്.

പ്രവർത്തകരെ തുരത്താൻ പൊലീസ് ജലപീരങ്കി പ്രയോഗിച്ചു. തുടർന്ന് കല്ലേറുണ്ടാവുകയും പ്രവർത്തകർക്ക നേരെ പൊലീസ് ലാത്തി വീശി. . യൂത്ത് കോൺഗ്രസ്, കെഎസ്‌യു ജില്ലാ പ്രസിഡന്റുമാർക്ക് പരുക്കേറ്റു. അതിനിടെ, സന്ദീപിന്റെ വീടിനു മുന്നിൽ സിപിഎം പ്രവർത്തകർ സംഘം ചേർന്നു.

യൂത്ത് കോൺഗ്രസ് പ്രവർത്തകരെ മർദിച്ച ഗൺമാൻ അനിൽ, എസ്കോർട്ട് ഡ്യൂട്ടിയിലുണ്ടായിരുന്ന സന്ദീപ് എന്നിവരുടെ വീടുകൾക്ക് പൊലീസ് സുരക്ഷ ഏർപ്പെടുത്തിയിരുന്നു. അനിൽ താമസിക്കുന്ന പേരൂർക്കടയിലെ വീട്ടിലേക്കും നേമത്തെ കല്ലിയൂരുള്ള വീട്ടിലേക്കും സന്ദീപിന്റെ മ്യൂസിയം പൊട്ടക്കുഴി ഭാഗത്തുള്ള വീട്ടിലേക്കും ആക്രമണം നടത്താനും ഇരുവരെയും അപായപ്പെടുത്താനും സാധ്യതയുണ്ടെന്ന് സ്പെഷൽ ബ്രാഞ്ച് റിപ്പോർട്ട് ചെയ്തിരുന്നു. ഇതിനാൽ വീടുകളിൽ പൊലീസിന്റെ നിരീക്ഷണവും കാവലും വേണമെന്നു സിറ്റി പൊലീസ് കമ്മിഷണർ നിർദേശിച്ചു.