രാഹുൽ മാങ്കുട്ടത്തിലിന്റെ അറസ്റ്റ്, യൂത്ത് കോൺ​ഗ്രസിന്റെ സെക്രട്ടറിയേറ്റ് മാർച്ചിൽ സംഘർഷം, പൊലീസ് ജലപീരങ്കി പ്രയോ​ഗിച്ചു

തിരുവനന്തപുരം: സംസ്ഥാന അധ്യക്ഷന്‍ രാഹുല്‍ മാങ്കൂട്ടത്തിലിന്റെ അറസ്റ്റില്‍ പ്രതിഷേധിച്ച് യൂത്ത് കോണ്‍ഗ്രസിന്റെ സെക്രട്ടേറിയറ്റ് മാര്‍ച്ചിൽ സംഘർഷം. മുദ്രാവാക്യം വിളികളുമായി ബാരിക്കേഡ് മറികടക്കാന്‍ ശ്രമിച്ച പ്രവർത്തകർക്കു നേരെ പൊലീസ് ജലപീരങ്കി പ്രയോ​ഗിച്ചു .
പോലീസിന്റെ കൈയിലെ ലാത്തി വാങ്ങി വലിച്ചെറിഞ്ഞു. രണ്ടു തവണ പോലീസ് ജലപീരങ്കി പ്രയോഗിച്ചു.

സെക്രട്ടറിയേറ്റ് മാർച്ചിന് നേത്‍ത്വം നല്കിയത് യൂത്ത് കോണ്‍ഗ്രസ് മുന്‍ അധ്യക്ഷന്‍ ഷാഫി പറമ്പിലായിരുന്നു. ഉദ്ഘാടന ശേഷം ഷാഫി മടങ്ങിയതിന് ശേഷമാണ് പ്രവര്‍ത്തകര്‍ ബാരിക്കേഡിനടുത്തേക്ക് നീങ്ങി പ്രകോപനം സൃഷ്ടിച്ചത്. കഴിഞ്ഞ തവണത്തേക്കാള്‍ കൂടുതല്‍ പോലീസ് സന്നാഹം ഇത്തവണ നിയോഗിച്ചിരുന്നു. പ്രവര്‍ത്തകര്‍ പീന്നീട് റോഡില്‍ കുത്തിയിരുന്ന് ഉപരോധിച്ചു.

പോലീസ് സിപിഎമ്മിന്റെ ഗുണ്ടാപ്പണിയെടുത്താല്‍ അതിന് മുന്നില്‍ ഓച്ഛാനിച്ച് നില്‍ക്കാന്‍ തങ്ങളുടെ പ്രസ്ഥാനത്തെ നയിക്കുന്നവന്റെ പേര് ആര്‍ഷോയെന്നല്ലെന്ന് ഷാഫി പറമ്പില്‍ പറഞ്ഞു.