എല്ലാവരും ഒരുപോലെ,ഒരുതുള്ളി കണ്ണുനീർ പോലും വീഴ്ത്തിയിട്ടില്ല,യുവാക്കളെക്കൊണ്ട് മാപ്പ് പറയിപ്പിച്ച് എംജി ശ്രീകുമാർ

സമൂഹമാധ്യമങ്ങളിലൂടെ അപകീർത്തിപ്പെടുത്തിയതിന് ഗായകൻ എം.ജി ശ്രീകുമാറിനോട് പരസ്യമായി മാപ്പ് പറഞ്ഞ് യുവാക്കൾ.യുവാക്കൾ മാപ്പ് പറയുന്ന വീഡിയോ എം.ജി ശ്രീകുമാർ തന്നെയാണ് തന്റെ യൂട്യൂബ് ചാനലിലൂടെ പുറത്തു വിട്ടിരിക്കുന്നത്.ഒരു റിയാലിറ്റി ഷോയിൽ എംജി ശ്രീകുമാർ പക്ഷപേതം കാണിച്ചെന്നാണ് യുവാക്കൾ ആരോപിച്ചത്.നാലാം സ്ഥാനം ലഭിക്കേണ്ട കുട്ടിക്ക് അത് കൊടുക്കാതെ എംജി ശ്രീകുമാർ ഇഷ്ടമുള്ള വ്യക്തിക്ക് കൊടുത്തു എന്നയാതിയിരുന്നു യുവാക്കളുടെ വീഡിയോയുടെ ഉള്ളടക്കം.ഇതിനെതിരെ പോലീസിൽ പരാതിയും താരം നൽകിയിരുന്നു.തങ്ങൾക്ക് തെറ്റ് പറ്റിയെന്നും ഇക്കാര്യത്തിൽ മാപ്പ് ചോദിക്കുന്നെന്നും യുവാക്കൾ വീഡിയോയിൽ വ്യക്തമാക്കുന്നു.എം.ജി ശ്രീകുമാർ പങ്കുവച്ച വീഡിയോ ഇതിനോടകം യൂട്യൂബിൽ ട്രെഡിംഗ് ആയിട്ടുണ്ട്

എം.ജി ശ്രീകുമാർ തന്നെയാണ് യുവാക്കളുടെ മാപ്പ് പറച്ചിലിന്റെ വീഡിയോ തന്റെ യൂട്യൂബ് ചാനൽ വഴി പുറത്തുവിട്ടത്.ഏകദേശം നാൽപ്പത് വർഷത്തോളമായി പ്രേക്ഷകരുടെ പിന്തുണ കൊണ്ട് ജീവിച്ചുപോകുന്ന ഒരു എളിയ കലാകാരൻ ആണ് ഞാൻ. ഒരുപാട് റിയാലിറ്റി ഷോകളിൽ ജഡ്ജായി ഞാൻ ഇരുന്നിട്ടുണ്ട്.ഇന്നുവരെയും ഞാൻ അതിൽ പങ്കെടുക്കുന്ന ഒരാളോടും ഒരു പക്ഷാപാതവും കാണിച്ചിട്ടില്ല.ഇനിയും അങ്ങനെ തന്നെ ആയിരിക്കും.പരിപാടിയിൽ പങ്കെടുത്ത കുട്ടികളെല്ലാം തനിക്ക് ഒരുപോലെയാണെന്നും പരിപാടി കഴിഞ്ഞ് ഇവരെല്ലാം പോയപ്പോൾ തനിക്ക് ഒരുപാട് വിഷമായെന്നും ഗായകൻ വീഡിയോയിലൂടെ പറയുന്നു.സത്യസന്ധതയോട് കൂടിയാണ് പരിപാടിയുടെ ജഡ്ജായി ഇരുന്നിട്ടുള്ളതെന്നും തനിക്ക് ഏറെ പ്രിയപ്പെട്ട ഈ കുട്ടികൾ കണ്ണീര് പൊഴിക്കാൻ താൻ അനുവദിക്കില്ലെന്നും പറഞ്ഞുകൊണ്ടാണ് എം.ജി വീഡിയോ അവസാനിപ്പിക്കുന്നത്

ശ്രീകുമാറിന്റെ പരാതിയിൽ മൂന്ന് യൂട്യൂബർമാർക്കെതിരെ ചേർപ്പ് പോലീസ് അടുത്തിടെയാണ് കേസെടുത്തത്.പാറളം പഞ്ചായത്തിലെ യൂട്യൂബർമാർമാരുടെ പേരിലാണ് കേസ് രജിസ്റ്റർ ചെയ്തത്.അഞ്ച് ലക്ഷത്തോളം ആളുകൾ വീഡിയോ കണ്ടിരുന്നു.തന്നെ വ്യക്തിപരമായി അധിക്ഷേപിക്കുകയാണ് ഇവർ ചെയ്തതെന്ന് ചൂണ്ടിക്കാട്ടി ആയിരുന്ന എം.ജി.ശ്രീകുമാർ ഡി.ജി.പി.ക്ക്‌ നൽകിയ പരാതി നൽകിയത്