വിവാഹശേഷം മൃദുലയെ അഭിനയിക്കാന്‍ വിടുമോ എന്ന് ചോദ്യം, യുവകൃഷ്ണയുടെ മറുപടിക്ക് കയ്യടിച്ച് പ്രേക്ഷകര്‍

മിനിസ്‌ക്രീന്‍ പ്രേക്ഷകരുടെ പ്രിയപ്പെട്ട താരങ്ങളാണ് മൃദുലയും യുവകൃഷ്ണയും. ഇരുവരും വിവാഹത്തിനുള്ള ഒരുക്കത്തിലാണിപ്പോള്‍. അടുത്തിടെ താരങ്ങളുടെ വിവാഹ നിശ്ചയം കഴിഞ്ഞിരുന്നു. ഇതിന്റെ ചിത്രങ്ങളും വീഡിയോകളും സോഷ്യല്‍ മീഡിയകളില്‍ വൈറലുമായിരുന്നു. അഭിനയ രംഗത്ത് ഇരുവരും സജീവമാണെങ്കിലും ഒരു സീരിയലില്‍ ഒരുമിച്ച് ഇരുവരും അഭിനയിച്ചിട്ടില്ല.

ഇരുവര്‍ക്കും ഒപ്പം രണ്ട് സീരിയലുകളില്‍ അഭിനയിച്ച രേഖ രതീഷ് ആയിരുന്നു ഇവരുടെ വിവാഹത്തിന് നിമിത്തമായി മാറിയത്. നിങ്ങള്‍ക്ക് രണ്ടാള്‍ക്കും വിവാഹം ചെയ്തൂടേ എന്ന് രേഖ ചോദിച്ചപ്പോള്‍ ആയിരുന്നു തങ്ങള്‍ അതേ കുറിച്ച് ആലോചിച്ചത് എന്ന് യുവയും മൃദുലയും പറഞ്ഞിരുന്നു. വിവാഹ നിശ്ചയത്തിന് മുമ്പും ഇരുവരും രേഖ രതീഷിനെ കുറിച്ച് സംസാരിച്ചിരുന്നു.

അടുത്തിടെ ഒരു ഗെയിം ഷോയില്‍ അതിഥിയായി യുവയും മൃദുലയും എത്തിയിരുന്നു. ഷോയ്ക്കിടെ ഇരുവരും വിവാഹത്തെ കുറിച്ച് സംസാരിക്കുകയും ചെയ്തു. മൃദുല നേരത്തെ തന്നെ ഗെയിംഷോയില്‍ സജീവമായിരുന്നു. എന്നാല്‍ അഭിനയത്തിന്റെ തിരക്ക് കാരണം ഇടയ്ക്ക് വിട്ടു നിന്നു. അടുത്തിടെയാണ് യുവ ഗെയിംഷോയിലേക്ക് വരുന്നത്. ഷോയ്ക്കിടെ മെന്റലിസവും മാജിക്കും ഗാനാലാപനവും തനിക്ക് വഴങ്ങുമെന്ന് യുവ തെളിയിക്കുകയും ചെയ്തിരുന്നു.

പരിപാടിയില്‍ രണ്ടാളും അതിഥിയായെത്തിയാല്‍ നന്നായിരിക്കുമെന്നായിരുന്നു എല്ലാവരും പറഞ്ഞത്. ഇത്തരത്തിലുള്ള കമന്റുകള്‍ വൈറലായി മാറിയിരുന്നു. പ്രേക്ഷകരുടെ അഭിപ്രായം പരിഗണിക്കാറുണ്ട് അണിയറപ്രവര്‍ത്തകര്‍. ഇരുവരും പരിപാടിയില്‍ എത്തിയതിന്റെ വിശേഷങ്ങള്‍ സോഷ്യല്‍ മീഡിയയിലൂടെ വൈറലായിക്കൊണ്ടിരിക്കുകയാണ് ഇപ്പോള്‍. പാട്ടും ഡാന്‍സുമൊക്കെയായി തങ്ങളുടെ വരവ് ഇരുവരും ആഘോഷമാക്കുകയായിരുന്നു. ഇതിനിടെ വിവാഹ ശേഷം മൃദുലയെ അഭിനയിക്കാന്‍ വിടുമോ എന്ന ചോദ്യം യുവ നേരിടേണ്ടി വന്നു. ഈ ചോദ്യത്തിന് യുവ നല്‍കിയ മറുപടിയും ശ്രദ്ധോയമാണ്. മൃദുലയെ താന്‍ തടയില്ല വിവാഹ ശേഷവും മൃദുല അഭിനയ രംഗത്ത് സജീവമായിരിക്കും എന്നായിരുന്നു യുവയുടെ മറുപടി. യുവയുടെ ഈ മറുപടിക്ക് കയ്യടിച്ച് ആരാധകരും രംഗത്തെത്തുന്നുണ്ട്.