വീട്ടുമുറ്റത്ത് മുറിച്ച പ്ളാവിന് 12000രൂപ നോക്കുകൂലി, തൊരന്ന് തിന്നുന്ന തൊഴിലാളി യൂണിയൻ , അനാവശ്യ പിരിവും, ഭീഷണിയും

കൊല്ലം. ജോലി ചെയ്യാതെ നോക്കുകൂലി വാങ്ങരുതെന്ന് സർക്കാരിന്റെ കർശന നിർദ്ദേശം. എന്നാൽ പിണറായി വിജയന്റെ നേതൃത്വത്തിലുള്ള ഭരണപക്ഷ പാർട്ടിയുടെ തൊഴിലാളി യൂണിയൻ പണിയെടുക്കാതെ ഭീഷണിപ്പെടുത്തി നോക്കുകൂലി വാങ്ങുന്നു.

കൊല്ലം മുഖത്തലയിലാണ് സംഭവം. വീട്ടുമുറ്റത്ത് നിന്ന പ്ലാവ് വെട്ടിയതിന് ഉടമയോട് യൂണിയൻ ആവശ്യപ്പെട്ടത് 12000 രൂ നോക്കുകൂലി. അത് നല്കിയില്ലെങ്കിൽ മരം വിട്ട് തരില്ലെന്ന് തൊഴിലാളികൾ. 5000,3000 ,1700 എന്നിങ്ങനെയുള്ള വിലപേശലുകൾ നടത്തിയും ഭീഷണിപ്പെടുത്തിയും 1500 രൂപ വാങ്ങി ഒരു ജോലിയും ചെയ്യാതെ അവർ മടങ്ങി.

മുറിച്ചിട്ട പ്ലാവ് വണ്ടിയിൽ കയറ്റണമെങ്കിൽ 12000 രൂപ കൊടുക്കണമെന്നാണ് യൂണിയൻ ആവശ്യപ്പെട്ടത്. ഇതാണ് കൊല്ലത്തെ ജനങ്ങളുടെ അവസ്ഥ. കമ്മ്യൂണിസ്റ്റ്കാരല്ലാത്തവർക്ക് ഇവിടെ ജീവിക്കാൻ വയ്യ. എരന്നവനെ തൊരന്ന് തിന്നുന്ന തൊഴിലാളി യൂണിയനുകളാണ് ഇവിടെ ഉള്ളത്. രാഷ്ട്രീയ പാർട്ടിയുടെ ലേബലിൽ അനാവശ്യ പിരിവും, തട്ടിപ്പും ഭീഷണിയും ആണ് ഇവിടെ നടക്കുന്നതെന്ന് നാട്ടുകാർ പറയുന്നു.