ഹണി ട്രാപ്പിൽ കുടുക്കി 28 കോടിയുടെ ലഹരി കടത്തി, 2.81 കിലോഗ്രാം കൊക്കെയ്ൻ ആണ് കടത്തിയത്.

മുംബൈ. ഹണി ട്രാപ്പിൽ കുടുങ്ങി 28 കോടിയുടെ ലഹരിക്കടത്ത് നടത്തിയ ആൾ മുംബൈ വിമാനത്താവളത്തിൽ പിടിയിലായി. സംഭവത്തിൽ 28 കോടി രൂപ വില വരുന്ന കൊക്കെയ്ൻ ആണ്കസ്റ്റംസ് യാത്രക്കാരനിൽ നിന്ന് പിടിച്ചെടുത്തത്. യാത്രക്കാരന്റെ ബാഗിൽ ഒളിപ്പിച്ച നിലയിലായിരുന്നു മയക്കുമരുന്ന് ഉണ്ടായിരുന്നത്. കസ്റ്റംസ് മയക്കുമരുന്ന് ശേഖരം കണ്ടെടുക്കുന്നതിന്റെ ദൃശ്യങ്ങൾ പുറത്തുവന്നിട്ടുണ്ട്. ബാഗിനുള്ളിൽ ഒളിപ്പിച്ച നിലയിലുളള മയക്കുമരുന്ന് ബാഗ് കീറിയാണ് ഉദ്യോഗസ്ഥർ പുറത്തെടുത്തത്. വെളുത്ത പദാർത്ഥം പാക്കറ്റിൽ നിന്നും ഉദ്യോഗസ്ഥർ പുറത്തെടു ക്കുന്നത് വീഡിയോയിൽ ദൃശ്യമാണ്.

2.81 കിലോഗ്രാം കൊക്കെയ്‌നാണ് പോലീസ് പിടിച്ചെടുത്തത്. ഇതിന് 28.10 കോടി രൂപ വിലമതിക്കും. സമൂഹമാദ്ധ്യമങ്ങളിലൂടെ പരിചയപ്പെട്ട വ്യക്തി പ്രേരിപ്പിച്ചതിനെ തുടർന്നാണ് മയക്കുമരുന്ന് കടത്താൻ ശ്രമിച്ചതെന്ന് പ്രതി പോലീസിന് മൊഴി. ഹണി ട്രാപ്പിൽ കുടുങ്ങിയ പ്രതി കൊക്കെയ്ൻ കടത്താൻ നിർബന്ധിതൻ ആവുകയായിരുന്നു എന്നാണ് പ്രാഥമിക മൊഴിയിൽ പറഞ്ഞിരിക്കുന്നത്.

സമാന രീതിയിൽ കഴിഞ്ഞ ദിവസം മുംബൈ വിമാനത്താവളത്തിൽ നിന്നും രണ്ട് പേർ അറസ്റ്റിലായിരുന്നു. 47 കോടി രൂപ വിലമതിക്കുന്ന ഹെറോയിനും കൊക്കയ്‌നും കടത്തുന്നതിനിടയിലായിരുന്നു പോലീസ് ഇവരെ പിടികൂടുന്നത് 31.29 കോടി രൂപ വിലവരുന്ന 4.47 കിലോ ഹെറോയിനും 15.96 കോടി രൂപ വിലമതിക്കുന്ന 1.596 കിലോ കൊക്കെയ്‌നുമാണ് ഇവരിൽ നിന്നും പിടിച്ചെടുത്തത്.