വനത്തില്‍ കാലികളെ മേയ്ക്കാന്‍ പോയ 63 കാരന്‍ കാട്ടാനയുടെ ആക്രമണത്തില്‍ മരിച്ചു

വയനാട്. വനത്തില്‍ കാലികളെ മേയ്ക്കാന്‍ പോയ 63കാരനെ കാട്ടാന ആക്രമിച്ചു കൊലപ്പെടുത്തി. കാട്ടിക്കുളം ബേഗൂര്‍ കോളനിയിലെ ചെറിയ സോമനാണ് കാട്ടാനയുടെ ആക്രമണത്തില്‍ മരിച്ചത്. ഞായറാഴ്ച വൈകുന്നേരം ഉള്‍വനത്തിലായിരുന്നു സംഭവം. ബന്ധുക്കള്‍ക്ക് ഒപ്പമാണ് സോമന്‍ കാലികളെ വനത്തില്‍ കൊണ്ടുപോത്. കൂട്ടത്തില്‍ നിന്നും ഒറ്റപ്പെട്ടുപോയപ്പോഴാണ് സോമനെ ആന ആക്രമിച്ചത്.

സോമന് മുഖത്താണ് പരിക്കേറ്റത്. ആന സോമനെ വലിച്ചിഴച്ച പാടുകളും സമീപത്തായിട്ടുണ്ട്. വനപാലകരുടെയും തിരുനല്ലി പോലീസിന്റെയും സഹായത്തോടെയാണ് മൃതദേഹം ഉള്‍വനത്തില്‍ നിന്നും പുറത്തെത്തിച്ചത്. തുടര്‍ന്ന് മൃതദേഹം സര്‍ക്കാര്‍ മെഡിക്കല്‍ കോളേജിലേക്ക് മാറ്റി.