ആദിത്യ പകർത്തിയ ചിത്രങ്ങൾ പുറത്തുവിട്ട് ഐഎസ്ആർഒ, സൂര്യന്റെ ഫുൾ ഡിസ്‌ക് ചിത്രങ്ങളാണ് പുറത്തുവിട്ടത്

ന്യൂഡല്‍ഹി. ഇന്ത്യയുടെ അഭിമാന ദൗത്യമായ ആദിത്യ എല്‍ 1 സൂര്യന്റെ ഫുള്‍ ഡിസ്‌ക് ചിത്രങ്ങള്‍ പകര്‍ത്തി. ചിത്രങ്ങള്‍ ഐഎസ്ആര്‍ഒ പുറത്തുവിട്ടു. ഇന്ത്യയുടെ ആദ്യ സൗര ദൗത്യമാണ് ആദിത്യ എല്‍ 1. പേടകത്തിലെ അള്‍ട്രാവയലറ്റ് ഇമേജിംഗ് ടെലസ്‌കോപ് ഉപയോഗിച്ചാണ് ചിത്രങ്ങള്‍ പകര്‍ത്തിയത്.

ചിത്രം പകര്‍ത്തിയത് 200 മുതല്‍ 400 വരെയുള്ള തരംഗദൈര്‍ഘ്യത്തിലാണ്. ചിത്രങ്ങള്‍ ഐഎസ്ആര്‍ഒ എക്‌സിലൂടെ പുറത്തുവിട്ടു. ഇന്ത്യയുടെ ആദ്യ സൂര്യ ദൗത്യമാണ് ആദിത്യ എല്‍1.

ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററില്‍ നിന്നും ഐഎസ്ആര്‍ഒ സെപ്റ്റംബര്‍ രണ്ടിനാണ് ആദിത്യ എല്‍ 1 വിക്ഷേപിച്ചത്. സൂര്യനെക്കുറിച്ചുള്ള കൂടുതല്‍ പഠനങ്ങള്‍ നടത്തുന്നതിനാണ് ദൗത്യം.