ഇ പി ജയരാജനെ കുരുക്കിലാക്കി വി​മാ​ന​ക്ക​മ്പ​നിയുടെ പ്ര​ഥ​മ വി​വ​ര റി​പ്പോ​ർ​ട്ട്.

ക​ണ്ണൂ​ർ/ മു​ഖ്യ​മ​ന്ത്രി പി​ണ​റാ​യി വി​ജ​യ​നെ​തി​രെ ഇ​ൻ​ഡി​ഗോ വി​മാ​ന​ത്തി​ലു​ണ്ടാ​യ പ്ര​തി​ഷേ​ധ​ത്തി​ൽ ഇ​ൻ​ഡി​ഗോ വി​മാ​ന​ക്ക​മ്പ​നി ഡി​ജി​സി​എ​യ്ക്ക് പ്ര​ഥ​മ വി​വ​ര റി​പ്പോ​ർ​ട്ട് ന​ൽ​കി. സംഭവത്തിൽ ഇ പി ജയരാജന്റെ ഭാഗത്ത് നിന്ന് അക്രമം ഉണ്ടായതായാണ് റിപ്പോർട്ട് പറയുന്നത്. പ്ര​തി​ഷേ​ധ​വു​മാ​യി എ​ത്തി​യ​വ​രെ ശാ​ന്ത​രാ​ക്കാ​ൻ ക്യാ​ബി​ൻ ക്രൂ ​ശ്ര​മി​ച്ചെന്നും, എ​ന്നാ​ൽ ഇ​തി​നി​ടെ പ്ര​തി​ഷേ​ധ​ക്കാ​രെ ഇ.​പി. ജ​യ​രാ​ജ​ൻ പി​ടി​ച്ച് ത​ള്ളി​യെ​ന്നാണ് എഫ് ഐ ആറിൽ പറയുന്നത്. ഇ പി ജയരാജന്റെ വാദങ്ങൾ മുഴുവൻ തള്ളുന്നതാണ് വി​മാ​ന​ക്ക​മ്പ​നിയുടെ പ്ര​ഥ​മ വി​വ​ര റി​പ്പോ​ർ​ട്ട്.

കേ​സി​ൽ വി​മാ​ന​ക്ക​മ്പ​നി​യും വി​മാ​ന​ത്തി​ലെ ജീ​വ​ന​ക്കാ​രും ന​ല്‍​കു​ന്ന റി​പ്പോ​ര്‍​ട്ട് നി​ര്‍​ണാ​യ​ക​മാ​ണ് എന്നതാണ് ഇക്കാര്യത്തിൽ ശ്രദ്ധേയം. വിമാനകമ്പനിയുടെ റിപ്പോർട്ടിന്റെ അടിസ്ഥാനത്തിൽ ഇ പി ജയരാജനെതിരെ സംഭവത്തിൽ കേസെടുക്കുമെന്നാണ് ഇത് ചൂണ്ടിക്കാട്ടുന്നത്. അ​തേ​സ​മ​യം, വി​മാ​ന​ത്തി​ൽ മു​ഖ്യ​മ​ന്ത്രി​ക്കെ​തി​രേ പ്ര​തി​ഷേ​ധി​ച്ച യൂ​ത്ത് കോ​ണ്‍​ഗ്ര​സ് പ്ര​വ​ര്‍​ത്ത​ക​ര്‍​ക്കെ​തി​രെ വ​ധ​ശ്ര​മ​മു​ള്‍​പ്പെ​ടെ​യു​ള്ള കു​റ്റ​ങ്ങ​ള്‍ ചു​മ​ത്തി പോ​ലീ​സ് കേ​സെ​ടു​ത്തി​രിക്കുകയാണ്. ഇ​തി​ന് പിറകെ ഇ.​പി. ജ​യ​രാ​ജ​നെ​തി​രെ യൂ​ത്ത് കോ​ണ്‍​ഗ്ര​സും പ​രാ​തി ന​ല്‍​കി​യിരുന്നു.

വിമാനത്തിനുള്ളില്‍ വച്ച് യൂത്ത് കോണ്‍ഗ്രസ് പ്രവര്‍ത്തകരെ ഇ പി ജയരാജൻ കഴുത്തില്‍ കുത്തിപ്പിടിച്ച് ശ്വാസം മുട്ടിച്ച് കൊലപ്പെടുത്താന്‍ ശ്രമിച്ചെന്നാണ് യൂത്ത് കോൺഗ്രസിന്റെ പരാതിയിൽ പറയുന്നത്. ഒരു മുദ്രാവാക്യം വിളിച്ചതിന്റെ പേരിൽ വിമാനയാത്രികരായ യൂത്ത് കോണ്‍ഗ്രസ് പ്രവര്‍ത്തകർ ഫര്‍സിന്‍ മജീദ്, നവീന്‍ കുമാര്‍ എന്നിവരെ ജയരാജന്‍ കൊലപ്പെടുത്താന്‍ ശ്രമിക്കുകയും ദേഹോപദ്രവം ഏല്‍പ്പിക്കുകയും ചെയ്തെന്നു ചൂണ്ടിക്കാട്ടി യൂത്ത് കോണ്‍ഗ്രസ് ജനറല്‍ സെക്രട്ടറി ജോബിന്‍ ജേക്കബാണ് ഡിജിപിക്ക് പരാതി നല്‍കിയിരിക്കുന്നത്.

‘വിമാനം തിരുവനന്തപുരത്ത് ഇറങ്ങുമ്പോൾ വിമാനത്തിലെ മറ്റൊരു യാത്രക്കാരനായ ഇ.പി.ജയരാജന്‍ എന്നയാള്‍ മേല്‍ പറഞ്ഞ യൂത്ത് കോണ്‍ഗ്രസ് പ്രവര്‍ത്തകരെ അടിക്കുകയും കഴുത്തില്‍ കുത്തിപ്പിടിച്ച് ശ്വാസം മുട്ടിക്കുകയും ശക്തിയായി പിടിച്ചുതള്ളി വിമാനത്തിന്റെ സീറ്റിലേക്കും തുടര്‍ന്ന് പ്ലാറ്റ്‌ഫോമിലേക്കും തലയടിച്ച് വീഴുന്നതിനും ഇടയാക്കിയിട്ടുള്ളതാണ്. ഈ പ്രവര്‍ത്തി മൂലം യൂത്ത് കോണ്‍ഗ്രസ് പ്രവര്‍ത്തകരായ ഫര്‍സിന്‍ മജീദ്, നവീന്‍ കുമാര്‍ എന്നിവരുടെ തലയ്ക്കും കഴുത്തിനും നെഞ്ചിനും പരുക്കേറ്റിട്ടുള്ളതാണ്’ എന്നും പരാതിയില്‍ പറഞ്ഞിട്ടുണ്ട്.