നടി ആലിയ ഭട്ടിന് കോവിഡ് സ്ഥിരീകരിച്ചു

ബോളിവുഡ് നടി ആലിയ ഭട്ടിന് കോവിഡ് സ്ഥിരീകരിച്ചു. ആലിയ തന്നെ വിവരം സമൂഹമാധ്യമങ്ങളിലൂടെ അറിയിക്കുകയായിരുന്നു. കോവിഡ് സ്ഥിരീകരിച്ചയുടൻ തന്നെ ഡോക്ടർമാരുടെ നിർദ്ദേശപ്രകാരം താൻ സമ്പർക്കവിലക്കിൽ പോയെന്നും എല്ലാ കാര്യങ്ങളും ഡോക്ടർമാരുടെ നിർദേഹമനുസരിച്ചാണ് ചെയ്യുന്നതെന്നും താരം വ്യക്തമാക്കി.

കുറച്ച് ദിവസങ്ങൾക്ക് മുൻപ് ആലിയയുടെ കാമുകനും പ്രശസ്ത നടനുമായ റൺബീർ കപൂറിനും കോവിഡ് സ്ഥിരീകരിച്ചിരുന്നു. റൺബീറിന് കോവിഡ് സ്ഥിരീകരിക്കുന്ന സമയത്ത് ആലിയ അദ്ദേഹത്തിനൊപ്പം ഉണ്ടായിരുന്നുവെങ്കിലും അന്ന് ആലിയയുടെ പരിശോധനാഫലം നെഗറ്റീവായിരുന്നു. തുടർന്ന് റൺബീറിന്റെ പരിശോധനഫലം നെഗറ്റീവായിരുന്നു. അതിനു ശേഷ൦ ഇപ്പോഴാണ് ആലിയയ്ക്ക് കോവിഡ് സ്ഥിരീകരിക്കുന്നത്.