മലയാളികളുടെ പ്രിയപ്പെട്ട നടിയാണ് അമല പോള്. മുംബൈയില് നിന്നുള്ള ഗായകനായ ഭവ്നിന്ദര് സിങുമായുള്ള അമലയുടെ വിവാഹം ഈ അടുത്തായിരുന്നു. അച്ഛനെ നഷ്ടപ്പെട്ട വേദനയില് നിന്നും താനും കുടുംബവും കരകയറുകയാണെന്ന് പറയുകയാണ് അമല പോള്.
‘അച്ഛനമ്മമാരില് ഒരാളെ നഷ്ടമാവുമ്പോഴുള്ള അനുഭവം വാക്കുകള് കൊണ്ട് വിശേഷിപ്പിക്കാനാകില്ല. അതൊരു വലിയ വീഴ്ച്ചയാണ്. അന്ധത നിറഞ്ഞ ഇരുട്ടിലേക്കുള്ള വീഴ്ച്ച. വേറിട്ട വികാരങ്ങളും നമ്മളെ അപ്പോള് വേട്ടയാടും. ക്യാന്സര് ബാധിതനായി എന്റെ പപ്പ മരിച്ചതിനു ശേഷം പുതിയൊരു ദിശയില്ക്കൂടി സഞ്ചരിച്ചു. ആ അനുഭവം എന്നെ പുതിയ കുറേ കാര്യങ്ങള് പഠിപ്പിച്ചു.
വലുതും മനോഹരവുമായ ഒരു ലോകത്താണ് ജീവിക്കുന്നത്. ചെറു പ്രായത്തില് തന്നെ നമ്മള് പല വ്യവസ്ഥിതികളാലും ഉപാധികളാലും ഒരു പെട്ടിക്കുള്ളിലെന്ന പോലെ തുറങ്കലിലാക്കപ്പെടുന്നു. ജയിക്കാനുള്ള ഓട്ടത്തിനിടയില് സ്വയം സ്നേഹിക്കാന് നമ്മെ ആരും പഠിപ്പിക്കുന്നില്ല.
‘മുന്പത്തേതില് നഷ്ടപ്പെട്ട ആ പകുതി തിരഞ്ഞ് നമ്മള് അടുത്ത ബന്ധത്തിലേക്ക് പോകുന്നു. ആളുകള്, വസ്തുക്കള്, ജോലി, നൈമിഷകമായ സുഖങ്ങള്, അനുഭവങ്ങള് എല്ലാം മാറിമറിഞ്ഞ് ഒടുവില് ഒന്നുമില്ലാതായിത്തീരുന്നു. ഇതിനിടയില് എപ്പോഴാണ് നമ്മള് നമ്മളെ സ്നേഹിക്കുന്നത്. നമ്മുടെ നെഗറ്റീവുകളെയും പോസിറ്റീവുകളെയും സ്നേഹിക്കുന്നത്.. അതെ ഞാന് മുന്നോട്ടു നീങ്ങാന് തന്നെയാണ് തീരുമാനിച്ചിരിക്കുന്നത്. ധൈര്യത്തോടെ അധികമാരും ചലിക്കാത്ത പാതയിലൂടെ തന്നെ..ഒരു ഒളിച്ചോട്ടമില്ലാതെ.’
‘നമ്മുടെ അമ്മമാരെ സ്നേഹിക്കണം അവരെ മറക്കാന് പാടില്ല. സ്വന്തം ഭര്ത്താവ്, മക്കള് എന്നീ വിചാരങ്ങളോടെ മാത്രം കഴിഞ്ഞുകൂടിയവരാണ് അവര്.
‘വിഷാദത്തിലേക്ക് വഴുതി വീഴുമായിരുന്ന ഞാനും എന്റെ അമ്മയും ഇനി ഫീനിക്സ് പക്ഷികളെപ്പോലെ പറന്നുയരാന് ഒരുങ്ങുകയാണ്. സ്നേഹവും ഹീലിങുമാണ് ഇതിനു കാരണമായത്. എന്നെ എപ്പോഴും പിന്തുണയ്ക്കുന്ന എന്റെ സഹോദരനും നന്ദിയുണ്ട്. സങ്കടങ്ങള് അനുഭവിക്കുന്നവര്ക്കെല്ലാം സ്നേഹം മാത്രം.’–അമല പോള് കുറിച്ചു. ജനുവരിയിലാണ് അമലയുടെ പിതാവ് പോള് വര്ഗീസ് മരിക്കുന്നത്. ആനീസ് പോള് ആണ് അമലയുടെ അമ്മ. സഹോദരന് അഭിജിത്ത് പോള് നടനാണ്.
പത്തനംതിട്ട: ശബരിമല സംവിധാനത്തെ ഒന്നാമത്തെ ക്യൂവിൽ നിന്നുള്ള വിഐപി ദർശനം സാധാരണ തീർത്ഥാടകർക്ക് ബുദ്ധിമുട്ടുണ്ടാക്കുന്നു. വിഐപി ദർശനം അനുവദിക്കരുതെന്ന് ദേവസ്വം…
വയനാട് പൂക്കോട് വെറ്ററിനറി കോളജ് വിദ്യാര്ത്ഥി ജെ.എസ് സിദ്ധാര്ഥിന്റെ മരണത്തില് നടപടി നേരിട്ട ഉദ്യോഗസ്ഥയ്ക്ക് സ്ഥാനക്കയറ്റം. ആഭ്യന്തര വകുപ്പിലെ സെക്ഷന്…
കോഴിക്കോട്: പന്തീരാങ്കാവ് സ്ത്രീധനപീഡനക്കേസ് പ്രതി രാഹുലിനെ രാജ്യം വിടാൻ സഹായിച്ച് സിവിൽ പോലീസ് ഓഫീസർക്ക് സസ്പെൻഷൻ. പന്തീരങ്കാവ് പൊലീസ് സ്റ്റേഷനിലെ…
കോഴിക്കോട് മെഡിക്കൽ കോളജ് ആശുപത്രിയിൽ വീണ്ടും ശസ്ത്രക്രിയ പിഴവ്. കൈയ്ക്ക് പൊട്ടലുള്ള രോഗിക്ക് കമ്പി മാറിയിട്ടെന്നാണ് പരാതി. ശസ്ത്രക്രിയയ്ക്കു ശേഷം…
അന്തരിച്ച ബിലീവേഴ്സ് ഈസ്റ്റേണ് ചര്ച്ച് പരമാധ്യക്ഷന് മാര് അത്തനേഷ്യസ് യോഹാന് മെത്രാപ്പോലീത്തയുടെ മൃതദേഹം കൊച്ചിയില് എത്തിച്ചു. പുലർച്ചെ മൂന്നരയോടെ നെടുമ്പാശ്ശേരി…
ബംഗളൂരുവില് നിന്നും കൊച്ചിയിലേക്ക് പുറപ്പെട്ട എയര് ഇന്ത്യാ എക്സ്പ്രസിന് തീ പിടിച്ചു. പറന്നുയര്ന്ന ഉടന് തീ പിടിക്കുകയായിരുന്നു. ബംഗ്ളൂരു എയര്പോര്ട്ടിലാണ്…