അഭിജിത്തിനായി അമലയുടെ പാര്‍ട്ടി, വൈറലായി വീഡിയോ

മലയാളികളുടെ പ്രിയപ്പെട്ട നടിയാണ് അമല പോള്‍. തെന്നിന്ത്യയിലെ ഒട്ടുമിക്ക എല്ലാ ഭാഷകളിലും തന്റേതായ സ്ഥാനം നേടിയെടുത്ത നടിയാണ് അമല. ഇപ്പോള്‍ സഹോദരന്റെ പിറന്നാളിന് വീട്ടില്‍ തന്നെ പാര്‍ട്ടി നടത്തിയിരിക്കുകയാണ് അമല. വെറും പാര്‍ട്ടിയല്ല ക്വാറന്റീന്‍ പാര്‍ട്ടിയുമായാണ് അമല സോഷ്യല്‍ മീഡിയയെ ഇളക്കി മറിച്ചിരിക്കുന്നത്. ലോക്ഡൗണ്‍ കാലമായതിനാല്‍ മാസ്‌ക് ധരിച്ചുകൊണ്ടുള്ള പാര്‍ട്ടിയാണ് അമല പോള്‍ നടത്തിയിരിക്കുന്നത്.

‘ഇന്ന് ഞങ്ങളുടെ വീട്ടില്‍ പാര്‍ട്ടി ആയിരുന്നു. കാരണം എന്റെ ഏറ്റവും പ്രിയപ്പെട്ട ഒരേയൊരു മൂത്ത സഹോദരന്‍ (അവന്‍ എപ്പോഴും ഇളയത് ആണെന്നാണ് പറയുന്നത്) അഭിജിത്ത് പോളിന്റെ പിറന്നാളാണ്. അകലം പാലിച്ച് മാസ്‌ക് ധരിച്ചുള്ള പാര്‍ട്ടി. അമ്മയാണ് വിഡിയോ എടുത്തിരിക്കുന്നത്. ഒരു ക്വാറഫിന്‍ പാര്‍ട്ടി.’- ഇന്‍സ്റ്റഗ്രാമില്‍ അമല കുറിച്ചു.

വീഡിയോയില്‍ പാട്ടിന് അനുസരിച്ച് നൃത്തം ചെയ്യുന്ന അമലയെയാണ് കാണാന്‍ സാധിക്കുന്നത്. ഡാന്‍സിന് ഒടുവില്‍ ഹാപ്പി ബര്‍ത്ത് ഡേ ജിത്തൂ എന്ന് അമല പറയുന്നുണ്ട്. സഹോദരന്‍ അരികില്‍ ഇല്ലെന്നും മിസ്സ് ചെയ്യുന്നുവെന്നും നടി പറയുന്നു.

അതേസമയം വിഡിയോയില്‍ നിന്നും കണ്ണെടുക്കാന്‍ തോന്നുന്നില്ലെന്ന് ആയിരുന്നു അമലയുടെ സഹോദരന്‍ അഭിജിത്ത് പോള്‍ കമന്റ് ചെയ്തത്.. മികച്ച സഹോദരിയാണ് തന്റേതെന്നും അദ്ദേഹം കുറിച്ചിട്ടുണ്ട്. പിറന്നാള്‍ ദിനത്തില്‍ ഈ രണ്ട് സ്ത്രീകളേയും മിസ്സ് ചെയ്യുന്നുവെന്നു പറഞ്ഞ അഭിജിത്ത് അവര്‍ക്കൊപ്പമുള്ള ചിത്രവും തന്റെ ഇന്‍സ്റ്റഗ്രാം പേജില്‍ പങ്കുവച്ചു.