ക്യാപ്ഷനുകള്‍ അടിച്ചുമാറ്റിയതാണെന്ന് പറഞ്ഞുനടക്കുന്നവരെ ബ്ലോക്കിലൂടെ നേരിടുമെന്ന് അമേയ

മലയാളികളുടെ പ്രിയപ്പെട്ട നടിയും മോഡലുമാണ് അമേയ മാത്യു. ഒരു പഴയ ബോംബ് കഥ, ആട് 2, ദ പ്രീസ്റ്റ് തുടങ്ങിയ ചിത്രങ്ങളില്‍ നടി തിളങ്ങി. കരിക്കിന്റെ വെബ്‌സീരിസിലൂടെയും അമേയ ശ്രദ്ധിക്കപ്പെട്ടിരുന്നു. സോഷ്യല്‍ മീഡിയകളില്‍ ഏറെ സജീവമാണ് നടി. ഇന്‍സ്റ്റഗ്രാമില്‍ സ്ഥിരമായി താരം പുതിയ ചിത്രങ്ങളും ഫോട്ടോഷൂട്ട് ചിത്രങ്ങളും വിശേഷങ്ങളും പങ്കുവെയ്ക്കാറുണ്ട്. ചില മ്യൂസിക് വീഡിയോകളിലും താരം അഭിനയിച്ചിട്ടുണ്ട്.

തിരുവനന്തപുരം സ്വദേശിയാണ് അമേയ. സോഷ്യല്‍ മീഡിയകളില്‍ സജീവമായ താരം ചിത്രങ്ങള്‍ക്ക് ഒപ്പം പങ്കുവെയ്ക്കുന്ന ക്യാപ്ഷനുകള്‍ ഏറെ ശ്രദ്ധേയമാകാറുണ്ട്. ഇപ്പോള്‍ ഇന്‍സ്റ്റഗ്രാമില്‍ നാല് ലക്ഷം ഫോളോവേഴ്‌സ് പൂര്‍ത്തിയായതിന്റെ സന്തോഷം പങ്കുവെച്ച് രംഗത്ത് എത്തിയിരിക്കുകയാണ് നടി. ആരാധകര്‍ക്ക് നന്ദിയും അറിയിച്ചിട്ടുണ്ട്.

അതോടൊപ്പം മറ്റൊരു കുറിപ്പും അമേയ പങ്കുവെച്ചിട്ടുണ്ട്. ‘അമേയ മാത്യുവിനെക്കുറിച്ചും ക്യാപ്ഷനുകളെക്കുറിച്ചും പല ഊഹാപോഹങ്ങള്‍ എയറിലുണ്ട്. അമേയ ജാഡയാണെന്ന് പറഞ്ഞുനടക്കുന്നവരുണ്ട്’, അമേയ കുറിച്ചിരിക്കുകയാണ്. ‘ക്യാപ്ഷനുകള്‍ അടിച്ചുമാറ്റിയതാണെന്ന് പറഞ്ഞുനടക്കുന്നവരുണ്ട്.. അങ്ങനെയുള്ളവരെ ബ്ലോക്കിലൂടെയും, റിപ്പോര്‍ട്ടിലൂടെയും, ഞാന്‍ നേരിടും’!!, അമേയ കുറിച്ചു.