ഒരേ സമയം നാലുപേരെ കൈകാലുകൾ കൊണ്ട് വരച്ച് അനസ്, വീഡിയോ പങ്കുവെച്ച് പൃഥ്വിരാജ്

കലാകാരൻമാരെ പലതരത്തിൽ കാൻവാസിൽ ആക്കുന്നതിൽ കഴിവുതെളിച്ച വ്യക്തിയാണ് അനസ്. കണ്ണുകെട്ടി കുഞ്ചാക്കോ ബോബനെ വരച്ചതിനു പിന്നാലെ കയ്യും കാലും ഉപയോ​ഗിച്ച് നാലുപേരെ ഒരേ സമയം വരച്ച് അത്ഭുതം തീർക്കുകയാണ് അനസ്. അതും തല കുത്തി കിടന്നു കൊണ്ടാണ് അനസ് ഒരേ സമയം വിസ്മയം തീർത്തത്.

നടൻ സുകുമാരന്റെയും കുടുംബത്തിന്റെയും മുഖചിത്രങ്ങളാണ് ഈ മിടുക്കൻ ഒരേ സമയം കൈകളും കാലുകളുമുപയോഗിച്ച് ക്യാൻവാസിൽ പകർത്തിയത്. സുകുമാരനെയും മല്ലികയെയും ചുവരിനു താഴെ കൈകൾ കൊണ്ടു വരച്ചപ്പോൾ ഇന്ദ്രജിത്തിനെയും പൃഥ്വിയെയും മുകളിൽ കാലുകൾ കൊണ്ടു വരച്ചു. ഇതിന്റെ വിഡിയോ പൃഥ്വിരാജ് തന്റെ ഇൻസ്റ്റഗ്രാം അക്കൗണ്ടിൽ പോസ്റ്റ് ചെയ്തത് ഇതിനോടകം വൈറൽ ആണ്.

അനസിന്റെ അത്ഭുതപൂർവമായ പ്രകടനത്തെ നിരവധി ആളുകളാണ് പ്രകീർത്തിക്കുന്നത്. നേരത്തെ വിജയ് സേതുപതി ഉൾപ്പടെയുള്ള താരങ്ങളെയും അനസ് ഇത്തരത്തിൽ വരച്ചിട്ടുണ്ട്.