രണ്ടാം വിവാഹമെന്ന ചിന്ത വന്നപ്പോൾ ആദ്യം ആലോചിച്ചത് മകളെക്കുറിച്ച്- അഞ്ജലി

മലയാളികൾക്ക് പ്രീയപ്പെട്ട നടിമാരിൽ ഒരാളാണ് അഞ്ജലി നായർ. ഇതിനോടകം നിരവധി ചിത്രങ്ങളിൽ അഞ്ജലി അഭിനയിച്ചു. എല്ലാ ചിത്രങ്ങളും വലിയ വിജയവും ആയിരുന്നു. സിനിമയിലെ മികച്ച പ്രകടനത്തിന് അഞ്ജലിക്ക് സംസ്ഥാന പുരസ്‌കാരവും ലഭിച്ചിരുന്നു. എല്ലാ പ്രായത്തിലുള്ള വേഷവും ചെയ്യാൻ തയ്യാറാണെന്ന് അഞ്ജലി പറഞ്ഞിരുന്നു.

ജിബൂട്ടിയുടെ ഷൂട്ടുമായി ബന്ധപ്പെട്ട് വിദേശത്ത് പോയപ്പോൾ കൊവിഡ് കാരണം അവിടെ കുടുങ്ങിപ്പോയി. ആ സമയത്ത് സോഷ്യൽ മീഡിയയിലൂടെ അജിത്തുമായി വീണ്ടും സൗഹൃദത്തിലായി. സ്‌ക്രീപ്റ്റും കാര്യങ്ങളുമൊക്കെ പരസ്പരം പങ്കുവെച്ച് തുടങ്ങിയതോടെയാണ് നമുക്ക് ജീവിതത്തിലും ഇതുപോലെ മുന്നോട്ട് പോയാലോ എന്ന് ചോദിക്കുന്നത്.

ഒന്നിച്ച് ജീവിച്ചാലോന്ന് അദ്ദേഹം ചോദിച്ചപ്പോൾ ഞാൻ ആദ്യം ആലോചിച്ചത് മകൾ ആവണിയെ കുറിച്ചാണ്. ഞാൻ സ്വീകരിക്കുന്നതിനെക്കാളും കൂടുതൽ ആവണി കൂടി അംഗീകരിക്കണമല്ലോ. അങ്ങനെ ഇവർ തമ്മിൽ സംസാരിച്ച് കൊണ്ട് കളിക്കുന്ന ഒരു ഗെയിമിലൂടെ പരിചയപ്പെട്ടു. അമ്മ വിഷമിക്കണ്ട, ഭൂതമെന്ന പേരിലുള്ള ഒരു അങ്കിളിനൊപ്പം ഞാൻ ലുഡോ കളിക്കുന്നുണ്ട്. അദ്ദേഹം നല്ല ഫ്രണ്ട്ലിയാണെന്നൊക്കെ ആവണി പറഞ്ഞു.

വീഡിയോ കോളിലൊക്കെ വിളിച്ച് സംസാരിച്ച് അവർ നല്ല കൂട്ടുകാരായി. അങ്ങനെ ആവണിയ്ക്ക് കൂടി ഇദ്ദേഹത്തെ ഇഷ്ടമായതിന് ശേഷമാണ് വിവാഹവുമായി മുന്നോട്ട് പോകാമെന്ന തീരുമാനത്തിലേക്ക് താനെത്തിയത്. ആ സമയത്ത് ആദ്യ വിവാഹബന്ധം നിയമപരമായി ഒഴിവാക്കുന്നതുമായി ബന്ധപ്പെട്ടുള്ള കാര്യങ്ങൾ നടന്ന് കൊണ്ടിരിക്കുകയായിരുന്നു. നാലഞ്ച് വർഷം ഒരുമിച്ച് ജീവിച്ചതിന് ശേഷമാണ് ആദ്യ ബന്ധം അവസാനിപ്പിക്കുന്നത്. രണ്ടാളും സന്തോഷത്തോട് കൂടിയാണ് വേർപിരിയാമെന്ന് തീരുമാനിച്ചത്. ആദ്യ വിവാഹവും അറേഞ്ച്ഡ് മ്യാരേജ് ആയിരുന്നില്ല. പുള്ളിയുടെ അമ്മയാണ് എന്നോട് ചോദിച്ചത്. അങ്ങനെ പ്രണയിച്ച് വിവാഹം കഴിച്ചു. അദ്ദേഹം സിനിമയിലെ ഫോട്ടോഗ്രാഫറാണ്. ഇപ്പോഴും സജീവമായി രംഗത്തുണ്ട്.

മലയാളത്തിലും തമിഴിലുമെല്ലാം അഭിനയിച്ചിട്ടുണ്ട്. ബെൻ എന്ന സിനിമയിലെ പ്രകടനത്തിന് മികച്ച സ്വഭാവ നടിക്കുള്ള സംസ്ഥാന ചലച്ചിത്ര പുരസ്‌കാരവും അഞ്ജലിയെ തേടിയെത്തിയിരുന്നു. മോഹൻലാൽ നായകനായ മോൺസ്റ്റർ ആണ് അഞ്ജലിയുടെ ഏറ്റവും ഒടുവിൽ പുറത്തിറങ്ങിയ സിനിമ. റാം, സോളമന്റെ മണവാട്ടി സോഫിയ, വൺ സെക്കന്റ്, പനി, കളം തുടങ്ങി നിരവധി ചിത്രങ്ങൾ അണിയറയിലുണ്ട്.