ശബരിമലയില്‍ കുടി കൊള്ളുന്ന അയ്യനും ആ അയ്യനെ ചിന്തകളില്‍ ആവാഹിച്ച് അയ്യപ്പസ്വാമിക്കായി വാദിക്കുന്ന ശങ്കുവും ഒന്നു തന്നെയാണ്, അഞ്ജു പാര്‍വതി പറയുന്നു

അപകടത്തില്‍ പരുക്ക് പറ്റി ആശുപത്രിയില്‍ ചികിത്സയില്‍ കഴിയുന്ന ബിജെപി പ്രവര്‍ത്തകനും അഭിഭാഷകനുമായ ശങ്കു ടി ദാസിന്റെ നില മാറ്റമില്ലാതെ ഗുരുതരമായി തുടരുകയാണ്. പരിചയക്കാരൊക്കെ അദ്ദേഹം ആരോഗ്യത്തോടെ ജീവിതത്തിലേക്ക് മടങ്ങി എത്താനുള്ള പ്രാര്‍ത്ഥനയിലാണ്. ഇപ്പോള്‍ അഞ്ജു പാര്‍വതി പങ്കുവെച്ച വാക്കുകളാണ് ശ്രദ്ധേയമാകുന്നത്.

അയ്യപ്പസ്വാമിയോടുള്ള അചഞ്ചലമായ ഭക്തിയാണ് ശങ്കുവെന്ന കുട്ടിയെ എന്റെ ബന്ധുവാക്കിയത്. തത്ത്വമസിയെന്ന പരംപൊരുള്‍ പ്രകാരം ഭഗവാനും ഭക്തനും എല്ലാം ഒന്നാണല്ലോ. ആ അര്‍ത്ഥത്തില്‍ ശബരിമലയില്‍ കുടി കൊള്ളുന്ന അയ്യനും ആ അയ്യനെ ചിന്തകളില്‍ ആവാഹിച്ച് അയ്യപ്പസ്വാമിക്കായി വാദിക്കുന്ന ശങ്കുവും ഒന്നു തന്നെയാണ്.- അഞ്ജു പാര്‍വതി കുറിച്ചു.

അഞ്ജു പാര്‍വതിയുടെ കുറിപ്പ്, ഒരുപാട് ഇഷ്ടവും ആദരവും തോന്നിയിട്ടുള്ള ഒരു അനിയന്‍കുട്ടിയാണ് ശങ്കു. നേരില്‍ ഇതുവരെ കണ്ടിട്ടില്ല. നേരില്‍ കണ്ടിട്ടില്ലെങ്കില്‍ കൂടി പരസ്പരം അറിയുമായിരുന്നു ഞങ്ങള്‍ക്ക്. രാഷ്ട്രീയപരമായി വേറെ തോണിയില്‍ സഞ്ചരിക്കുമ്പോഴും ആത്മീയപരമായി ഒരേ തോണിയില്‍ തന്നെ സഞ്ചരിച്ചിരുന്ന രണ്ടു പേരെ തമ്മില്‍ അടുപ്പിക്കുന്നത് ഭഗവത് ചിന്തയാണ്. അയ്യപ്പസ്വാമിയോടുള്ള അചഞ്ചലമായ ഭക്തിയാണ് ശങ്കുവെന്ന കുട്ടിയെ എന്റെ ബന്ധുവാക്കിയത്. തത്ത്വമസിയെന്ന പരംപൊരുള്‍ പ്രകാരം ഭഗവാനും ഭക്തനും എല്ലാം ഒന്നാണല്ലോ. ആ അര്‍ത്ഥത്തില്‍ ശബരിമലയില്‍ കുടി കൊള്ളുന്ന അയ്യനും ആ അയ്യനെ ചിന്തകളില്‍ ആവാഹിച്ച് അയ്യപ്പസ്വാമിക്കായി വാദിക്കുന്ന ശങ്കുവും ഒന്നു തന്നെയാണ്.

ശങ്കുവിന്റെ അപകടവാര്‍ത്ത അറിഞ്ഞത് മുതല്‍ മനസ്സ് ആകുലമാണ്. മുഖപുസ്തകങ്ങളിലെ ചില മുഖങ്ങള്‍ക്ക് നമ്മെ ആഴത്തില്‍ തൊടാന്‍ കഴിയും എന്ന് തിരിച്ചറിയുന്നത് ഇപ്പോഴാണ്. നമ്മുടെ ആരുമല്ലാതെ തന്നെ നമ്മുടെ ആരെല്ലാമോ ആയി മാറുന്നുണ്ട് ചിലരൊക്കെ. ഒക്കെയും ഈശ്വരലീല. പ്രിയപ്പെട്ടവര്‍ എല്ലാവരും ഈ അനിയന്റെ മടങ്ങി വരവിനായി പ്രാര്‍ത്ഥിക്കണം. അയ്യപ്പസ്വാമി കൈവിടില്ലെന്ന ഉറച്ച വിശ്വാസമുണ്ടെങ്കിലും ചിലതെല്ലാം നമ്മുടെ വിശ്വാസങ്ങള്‍ക്കും മേലെയാണ്. ജാതി-മത-രാഷ്ടീയ ഭേദമില്ലാതെ ഏവരും ഈ അനിയനായി പ്രാര്‍ത്ഥിക്കുക. കൂട്ടായ പ്രാര്‍ത്ഥന കേള്‍ക്കാതിരിക്കാന്‍ സര്‍വ്വശക്തനായ ഈശ്വരനാവില്ല? ഓം ത്രൃംബകം യജാമഹേ സുഗന്ധിം പുഷ്ടിവര്‍ധനം ഉര്‍വാരുകമിവ ബന്ധനാദ് മൃത്യോര്‍മുക്ഷീയമാമൃതാത്