അന്നത് കടൽക്കൊള്ള ആയിരുന്നു, പിന്നെ ഞങ്ങൾ വന്നപ്പോൾ കൊള്ള കംമ്പ്ലീറ്റ് അങ്ങട് കരയിലാക്കി, പരിഹാസവുമായി മാധ്യമ പ്രവർത്തക

വിഴിഞ്ഞം തുറമുഖത്തെത്തിയ ആദ്യ ചരക്ക് കപ്പലിനെ സർക്കാർ ഇന്ന് ഔദ്യോഗികമായി സ്വീകരിക്കും. വൈകുന്നേരം നാലിന് വിഴിഞ്ഞം അന്താരാഷ്ട്ര തുറമുഖത്ത് നടക്കുന്ന പരിപാടി മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. 5000 പേർക്ക് ഇരിക്കാനാവുന്ന സ്റ്റേജാണ് തയ്യാറാക്കിയത്. വിഴിഞ്ഞത്തിന്റെ ക്രെഡിറ്റ് ഏറ്റെടുക്കുന്ന സർക്കാരിനെതിരെ രം​ഗത്തെത്തിയിരിക്കുകയാണ് അഞ്ജു പാർവതി പ്രഭീഷ്.

കുറിപ്പിങ്ങനെ

അന്നത് കടൽക്കൊള്ള ആയിരുന്നു!!! പിന്നെ ഞങ്ങൾ വന്നപ്പോൾ കൊള്ള കംമ്പ്ലീറ്റ് അങ്ങട് കരയിലാക്കി. സംശയമുണ്ടേൽ ഒന്ന് കരുവന്നൂർ വരെ വന്നാൽ മതി അന്ന് ബൂർഷ്വാ ആയിരുന്ന അദാനിയേ AKG സെന്ററിൽ കയറ്റി ജ്ഞാനസ്നാനം ചെയ്ത് ശുദ്ധി വരുത്തി. ശേഷം സഖാവ് അദാനി കൊള്ള നിറുത്തി ഗോവിന്ദൻ സഖാവിന്റെ ശിഷ്യനായി അന്ന് അദാനിയുടെ പെട്ടി ചാണ്ടി സാർ ചുമക്കുന്നത് കാർട്ടൂൺ ആയിട്ട് ആയിരുന്നുവെങ്കിൽ പിന്നീട് ഞങ്ങടെ കേപ്റ്റൻ യഥാർത്ഥ ജീവിതത്തിൽ ചുമന്നത് ബിരിയാണി ചെമ്പ് ആയിരുന്നു. അതാണ് റിയലിസം

അന്ന് മത്സ്യസമ്പത്തിനു മേൽ അടിച്ചത് മരണത്തിന്റെ കൂട്ടമണി ആയിരുന്നുവെങ്കിൽ ഇന്ന് ജനങ്ങളുടെ നിക്ഷേപസമ്പത്തിന്റെ മേൽ അടിച്ച കൂട്ടമണി അടിച്ചു മാറ്റലിന്റേത് ആയിരുന്നു അന്ന് കടലിൽ കണ്ണീരിന്റെ ഉപ്പ് ആയിരുന്നുവെങ്കിൽ ഇന്ന് കരയിൽ അപ്പാടെ പാവങ്ങടെ കണ്ണീരിന്റെ ഉപ്പ് 2016 ൽ ഏപ്രിൽ 25ന് ഇറങ്ങിയ ടോയ്‌ലെറ്റ് പേപ്പറും 2023 ഒക്ടോബറിൽ ഇറങ്ങിയ ടോയ്‌ലെറ്റ് പേപ്പറും തമ്മിലുള്ള പൊരുത്തം ഇങ്ങനൊക്കെയാണ് സൂർത്തുക്കളെ